വെസ്റ്റ് ചെസ്റ്റർ മലയാളി അസോസിയേഷന്റെ ഈ വർഷത്തെ ക്രിസ്തുമസ് ന്യൂയീർ ആഘോഷങ്ങൾ ജനുവരി രണ്ടാം തിയതി

ശ്രീകുമാർ ഉണ്ണിത്താൻ

ന്യൂയോർക്ക്: വെസ്റ്റ് ചെസ്റ്റർ മലയാളി അസോസിയേഷന്റെ ഈ വർഷത്തെ ക്രിസ്തുമസ് ന്യൂയീർ ആഘോഷങ്ങൾ ജനുവരി രണ്ടാം തിയതി തിങ്കളാഴിച്ച അഞ്ചു മണി മുതൽ യോങ്കേഴ്‌സിലെ മുബൈ പാലസ് ഇന്ത്യൻ റെസ്‌റൊന്റിൽ വെച്ച് നടത്തുന്നതാണ് . യോങ്കേഴ്‌സ് സെന്റ് ഗ്രിഗോറിയസ്സ് ഓർത്തഡോക്‌സ് ചർച്ച് വികാരി റവറെന്റ് നൈനാൻ റ്റി ഈശോ ക്രിസ്തുമസ് സന്ദേശം നൽകുന്നതായിരിക്കും.

വെസ്റ്റ് ചെസ്റ്റർ മലയാളി അസോസിയേഷന്റെ കലാകാരന്മാരും കലാകാരികളും അണിയിച്ചൊരുക്കുന്ന നാടൻ കലാരൂപങ്ങളും, ദൈവം മനുഷ്യനായി അവതരിച്ച മഹാസംഭവത്തെ അടിസ്ഥാനമാക്കി അവതരിപ്പിക്കുന്ന മറ്റ് നൃത്ത കലാരൂപവും ഹൃദ്യമാകും. കഴിഞ്ഞ 42 വർഷത്തെ അസോസിയേഷന്റെ വളര്ച്ചയോടൊപ്പം വളർന്നു പന്തലിച്ച ഒരു മലയാളി സമൂഹമുണ്ട് വെസ്റ്റ് ചെസ്റ്ററിൾ , അസോസിയേഷൻ വളര്ത്തിയെടുത്ത കലാകാരന്മാരുടെയും ,കലാകാരികളുടെയും ഒരു നീണ്ട നിരതന്നെയുണ്ട് . മലയാളി കുടുംബങ്ങളിലെ യുവ കലാകാരന്മാർക്കും കുട്ടികൾക്കും ലഭിച്ച മലയാളി അസോസിയേഷന്റെ വേദികൾ അവരുടെ കലയുടെ കേളി വൈഭവം പ്രകടിപ്പിക്കാൻ കിട്ടിയ അസുലഭ അവസരങ്ങൾ ആയിരുന്നു.

.പുതിയ തലമുറയെ ഭാരതീയ പാരമ്പര്യത്തിൽ അധിഷ്ട്ടിതമായ നാട്യ ചിന്താ ധാരകൾ പഠിപ്പിക്കുവാനും അത് മനോഹരമായി വേദികളിൽ അവതരിപ്പിക്കുവാനുമുള്ള വേദികൾ എല്ലാ വർഷവും സംഘടിപ്പിക്കാൻ സാധിക്കുന്നത് വെസ്റ്റ് ചെസ്റ്റർ മലയാളി അസോസിയേഷൻ നാളെയുടെ മുത്തുകളെ വാർത്തെടുക്കുവാൻ പ്രതിക്ഞാബദ്ധമായതുകൊണ്ടാണ് .

അസോസിയേഷന്റെ ഈ വർഷത്തെ ക്രിസ്തുമസ് പുതുവത്സരാഘോഷങ്ങൾ പുതുമയാർന്ന കലാപരിപാടികൾ കൊണ്ടും, വിഭവസമൃദ്ധമായ സദ്യകൊണ്ടും മുൻ വർഷങ്ങളിലേതിനെക്കാൾ ആസ്വാദ്യകരമായിരിക്കുമെന്ന് സംഘാടകർ പറഞ്ഞു. എല്ലാ പ്രീയപ്പെട്ടവർക്കും സ്‌നേഹത്തിന്റെയും സമാധാനത്തിന്റെയും ക്രിസ്തുമസ് ആശംസകൾ നേർന്നുകൊള്ളുന്നുവെന്നും വെസ്റ്റ് ചെസ്റ്റർ നിവാസികളായ എല്ലാ മലയാളി സ്‌നേഹിതരും ഈ പരിപാടി വിജയിപ്പിക്കണമെന്നും വെസ്റ്റ് ചെസ്റ്റർ മലയാളി അസോസിയേഷന് വേണ്ടി പ്രസിഡന്റ് ശ്രീകുമാർ ഉണ്ണിത്താൻ, വൈസ് പ്രസിഡന്റ് തോമസ് കോശി, സെക്രട്ടറി ടെറൻസൺ തോമസ്, ട്രഷറർ കെ.കെ.ജോൺസൺ, ജോ.സെക്രട്ടറി ആന്റോ വർക്കി, ട്രസ്റ്റി ബോർഡ് ചെയർമാൻ എംവി ചാക്കോ , ജോയി ഇട്ടൻ , ഗണേഷ് നായർ,കൊച്ചുമ്മൻ ജേക്കബ്,ജെ. മാത്യൂസ്,കെ.ജെ. ഗ്രിഗറി, കെ.ജി. ജനാർദ്ദനൻ, ഷയിനി ഷാജാൻ,രത്‌നമ്മ രാജൻ, ലിജോ ജോൺ,എം.വി. കുര്യൻ, ജോൺ കെ. മാത്യു, വിപിൻ രാജൻ , സുരേന്ദ്രൻ നായർ, രാജ് തോമസ് , ജോൺ തോമസ്, ട്രസ്റ്റി ബോർഡ് മെംബേർസ് Dr.ഫില്ലിപ് ജോർജ്, ജോൺ സീ വർഗീസ്,രാജൻ ടി. ജേക്കബ് , ചാക്കോ പി ജോർജ് തുടങ്ങിയവർ അഭ്യർധിച്ചു . പ്രവേശനം ഫ്രീയാണ്.