ജോര്‍ജേട്ടനു ശേഷം ഡിങ്കനായി ദിലീപ്; പ്രൊഫസർ ഡിങ്കന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു

ജോര്ജട്ടൻസ് പൂരത്തിന് ശേഷം ദിലീപ് നായകനായി എത്തുന്ന ഡിങ്കന്റെ ഫസ്റ്റ്ലുക്ക് പോസ്റ്റർ പുറത്തു വിട്ടു.
റ്റു കണ്‍ട്രീസിനു ശേഷം ദിലീപും റാഫിയും ഒരുമിക്കുന്ന ചിത്രമാണ് പ്രൊഫസര്‍ ഡിങ്കൻ.

ദിലീപും റാഫിയും മമ്താ മോഹന്‍ദാസും ഒരുമിച്ച റ്റു കണ്‍ട്രീസ് മികച്ച വിജയമായിരുന്നു. കുടുംബ പ്രേക്ഷകരും കുട്ടികളും ഒരു പോലെ സ്വീകരിച്ച ചിത്രത്തിനു ശേഷം ഇരുവരും വീണ്ടുെമത്തുകയാണ് പ്രൊഫസര്‍ ഡിങ്കനിലൂടെ. നമിതാ പ്രമോദാണ് ചിത്രത്തില്‍ നായികാ വേഷത്തിലെത്തുന്നത്.

ഇതുവരെ ചെയ്തിട്ടില്ലാത്ത വേഷത്തിലാണ് ദിലീപ് പ്രൊഫസര്‍ ഡിങ്കനില്‍ പ്രത്യക്ഷപ്പെടുന്നത്. പതിവു പോലെ കോമഡി തന്നെയാണ് ഈ ചിത്രത്തിന്റെയും പ്രധാന ഹൈലൈറ്റ്.ത്രീഡിയിലാണ് ചിത്രമൊരുക്കുന്നത്. ദിലീപ് മജീഷ്യന്റെ വേഷത്തിലെത്തുന്ന ചിത്രത്തില്‍ നായികയായി എത്തുന്നത് നമിതാ പ്രമോദാണ്. സൗണ്ട് തോമയില്‍ ഇരുവരും ഒരുമിച്ച് അഭിനയിച്ചിരുന്നു.തിരുവനന്തപുരമാണ് പ്രൊഫസര്‍ ഡിങ്കന്റെ പ്രധാന ലൊക്കേഷന്‍. കെ രാമചന്ദ്രബാബുവാണ് ചിത്രത്തിന് തിരക്കഥ ഒരുക്കുന്നത്.

കുട്ടികളും കുടുംബ പ്രേക്ഷകരുമായിരുന്നു ദിലീപ് എന്ന നടനെ ജനപ്രിയനാക്കിയത്. വെക്കേഷന്‍ സമയം ലക്ഷ്യമാക്കി റിലീസ് ചെയ്ത ജോര്‍ജേട്ടന്‍സ് പൂരത്തിന് വിചാരിച്ചത്ര മുന്നേറ്റമില്ല. മെഗാസ്റ്റാര്‍ ചിത്രം ഗ്രേറ്റ് ഫാദറും പുത്തന്‍ പണവും നിവിന്‍ പോളിയുടെ സഖാവുമാണ് ഇപ്പോഴും നിറഞ്ഞ സദസ്സില്‍ പ്രദര്‍ശനം തുടരുന്നത്. കുട്ടികള്‍ പോലും ഇടിച്ചു കയറുന്നത് ദി ഗ്രേറ്റ് ഫാദറിനാണെന്ന് തിയേറ്ററുകള്‍ തന്നെ സാക്ഷ്യപ്പെടുത്തുന്ന തരത്തിലാണ് ചിത്രത്തിന്റെ ബോക്‌സോഫീസ് കളക്ഷന്‍.
ജോര്‍ജേട്ടന്‍സ് പൂരത്തിനു ശേഷം ദിലീപ് അഭിനയിക്കുന്ന രണ്ടു ചിത്രങ്ങളാണ് അണിയറയില്‍ പുരോഗമിക്കുന്നത്.