ബലാത്സം​ഗ കേസ്: വിവാദ ആൾദൈവംആസാറാം ബാപ്പുവിന് ജീവപര്യന്തം; ശിക്ഷ 2013ൽ രജിസ്റ്റർ ചെയ്ത കേസിൽ

1. ന്യൂഡൽഹി: പത്തു വർഷം മുൻപ് ആശ്രമ അന്തേവാസിയെ പീഡിപ്പിച്ച കുറ്റത്തിന് വിവാദ ആൾദൈവം ആസാറാം ബാപ്പു(81)വിന് ജീവപര്യന്തം ശിക്ഷ.

2001 മുതൽ 2006 കാലയളവിൽ ആശ്രമ അന്തേവാസിയായിരുന്ന സൂറത്ത് നിന്നുള്ള 16കാരിയെ പീഡിപ്പിച്ച പരാതിയിൽ 2013 ൽ രജിസ്റ്റർ ചെയ്ത കേസിലാണ് ഇയാൾ കുറ്റക്കാരനാണെന്ന് കോടതി കണ്ടെത്തിയത്.

ഇതിന് പിന്നാലെയാണ് ജീവപര്യന്തം ശിക്ഷവിധി. ഗുജറാത്ത് ഗാന്ധിനഗർ സെഷൻസ് കോടതിയാണ് കേസിൽ ശിക്ഷ വിധിച്ചത്.

പ്രതിയുട ഭാര്യ ഉൾപ്പെടെ ആറു പേരെ തെളിവുകളുടെ അഭാവത്തിൽ വിട്ടയച്ചു. നിലവിൽ മറ്റൊരു പീഡനക്കേസുകളിൽ ശിക്ഷ അനുഭവിക്കുന്ന ഇയാൾ രാജസ്ഥാനിലെ ജോധ്പൂർ ജയിലിലാണുള്ളത്.