സായ്പല്ലവി തമിഴില്‍ വിക്രമിന്റെ നായികയായി അരങ്ങേറ്റം കുറിക്കും

പ്രേമം എന്നഒരൊറ്റ ചിത്രത്തിലൂടെ ആരാധകരുടെ പ്രിയങ്കരിയായി മാറിയ മലര്‍മിസ് തമിഴില്‍ അരങ്ങേറ്റം കുറിയ്ക്കുന്നത് വിക്രമിനൊപ്പമെന്ന് റിപ്പോര്‍ട്ട്. തമിഴ് സിനിമാ വാരികകളാണ് ഇക്കാര്യം വാര്‍ത്തയാക്കിയിരിക്കുന്നത്. വിജയ്ചന്ദര്‍ സംവിധാനം ചെയുന്ന ചിത്രത്തിലാകും സായ് പല്ലവി വിക്രമിന്റെ നായികയാക്കുന്നത്. വളരെ വത്യസ്തമായ മേക്ക് ഓവറോടെയാണ് വിക്രം ചിത്രത്തില്‍ എത്തുന്നത്.

പട്ടണ ജീവിതത്തെ ആസ്പദമാക്കി ഒരുങ്ങുന്ന ചിത്രത്തില്‍ വളരെ പ്രാധാന്യമേറിയ ഒരു സ്ത്രീകഥാപാത്രത്തെയാണ് സായ് പല്ലവി അവതരിപ്പിക്കുന്നത്. വരുണ്‍ തേജ് നായകനാകുന്ന ഫിദ എന്ന തെലുങ്ക് ചിത്രത്തിലാണ് സായ് ഇപ്പോള്‍ അഭിനയിക്കുന്നത്. നേരത്തെ നിരവധി നായകരുടെ പേരുകള്‍ സായ്പല്ലവിയുടെ അരങ്ങേറ്റ ചിത്രമായി പറഞ്ഞിരുന്നെങ്കിലും ഒന്നിലും തീരുമാനത്തിലെത്തിയിരുന്നില്ല.