നടി സനൂഷയെ സോഷ്യല്‍ മീഡിയയില്‍ കൊന്നു ! വ്യാജ പ്രചരണത്തിനെതിരെ നിയമ നടപടിയ്‌ക്കൊരുങ്ങി താരം

കണ്ണൂര്‍: നടി സനുഷ വാഹനാപകടത്തില്‍ മരിച്ചെന്ന് സോഷ്യല്‍ മീഡിയ വഴി വ്യാജ പ്രചരണം. ഞായറാഴ്ച വൈകീട്ട് മുതലാണ് ചില വാട്ട്‌സ്ആപ്പ് ഗ്രൂപ്പുകള്‍ കേന്ദ്രീകരിച്ച് പ്രചരണം ആരംഭിച്ചത്. ഇതേ തുടര്‍ന്ന് നിയമനടപടികള്‍ സ്വീകരിക്കാന്‍ ഒരുങ്ങുകയാണെന്ന് നടി സനുഷ വ്യക്തമാക്കി. ഇന്നലെ വൈകീട്ടാണ് കൊല്ലൂര്‍ മൂകാംബിക ക്ഷേത്രത്തില്‍ പോയി കുടുംബത്തോടെ മടങ്ങിയെത്തിയത്.

തുടര്‍ന്നാണ് നിങ്ങള്‍ക്ക് യാത്രയില്‍ വല്ല അപകടവും പറ്റിയോ എന്ന ചോദിച്ച് ഫോണ്‍ കോളുകള്‍ വരാന്‍ തുടങ്ങിയതെന്ന് താരം പറയുന്നു. ഇതിനെ തുടര്‍ന്ന് അന്വേഷിച്ചപ്പോഴാണ് സോഷ്യല്‍ മീഡിയയില്‍ ഇത്തരം ഒരു വാര്‍ത്ത പ്രചരിക്കുന്ന കാര്യം മനസിലായത്.