റിയാദ്: ഭാര്യമാരെ മര്‍ദ്ദിക്കാന്‍ ഭര്‍ത്താകന്മാരെ പഠിപ്പിക്കുന്ന വീഡിയോ സൗദി അറേബ്യന്‍ ടെലിവിഷന്‍ ചാനല്‍ പുറത്തുവിട്ടു. ഒരു ഇസ്‌ലാമിക പണ്ഡിതന്‍ അനുസരണക്കേട് കാണിക്കുന്ന ഭാര്യയെ എങ്ങനെയാണ് ഭര്‍ത്താവ് ശിക്ഷിക്കേണ്ടതെന്ന് വിവരിക്കുന്നതാണ് വീഡിയോയിലുള്ളത്. ഭാര്യമാരെ കൈകാര്യം ചെയ്യേണ്ടതെങ്ങനെയെന്നു പഠിപ്പിക്കുന്ന ഞങ്ങളുടെ പരിപാടിയിലേക്ക് സ്വാഗതം.
ഭാര്യമാരെ ഏതെല്ലാം വിധത്തില്‍ മര്‍ദ്ദിക്കാം എന്ന് ഒരു ഡോക്ടര്‍ വിശദീകരിക്കുന്ന വിധത്തിലാണ് വീഡിയോ ഒരുക്കിയിരിക്കുന്നത്. തെറാപ്പി സ്‌പെഷ്യലിസ്റ്റായ ഖാലിദ് അല്‍ സാഖ്ബിയാണ് മര്‍ദ്ദിക്കുന്നതിനെ കുറിച്ച് ക്ലാസെടുക്കുന്നത്. വിവാഹ ജീവിതത്തില്‍ സമത്വം എന്നൊന്നില്ലെന്നും വീട് ഭരിക്കുന്നത് പുരുഷനാണെന്നും സാഖ്ബി വിശദീകരിക്കുന്നു.
വലിയ ബുദ്ധിമുട്ടുള്ള പ്രശ്‌നമാണിത്’ എന്ന മുഖവുരയോടെയാണ് പ്രഭാഷണം തുടങ്ങുന്നത്. ഭാര്യ അനുസരണക്കേടു കാണിക്കുമ്പോള്‍ എന്താണ് ചെയ്യേണ്ടതെന്ന് ഭര്‍ത്താവിന് അറിയാതെ വരുമ്പോള്‍, ചില സ്ത്രീകള്‍ ഭര്‍ത്താവിനെ അനുസരിക്കാതെ തെറ്റു ചെയ്യുമ്പോള്‍ അള്ളാഹു ചില കാര്യങ്ങള്‍ നിര്‍ദേശിച്ചിട്ടുണ്ട്. ഭാര്യ അനുസരണക്കേടു കാണിച്ചാല്‍ അവരെ ആദ്യം ഉപദേശിക്കുക. ഇതാണ് ഭാര്യയെ അച്ചടക്കം പഠിപ്പിക്കാനുള്ള ആദ്യ പടി. പിന്നീട് അവളുടെ അവകാശങ്ങളെക്കുറിച്ചും കടമകളെക്കുറിച്ചും പഠിക്കേണ്ടതുണ്ട്. കിടപ്പറയില്‍ അവളെ അവഗണിക്കുകയെന്നതാണ് രണ്ടാമത്തെ നടപടിയെന്നാണ് പറയുന്നത്.
അനുസരണ പഠിപ്പിക്കാനുള്ള മൂന്നാമത്തെ നീക്കമാണ് മര്‍ദ്ദനമെന്നാണ് ഇയാള്‍ പറയുന്നത്. മര്‍ദ്ദനം എന്നതിനര്‍ത്ഥം നിങ്ങളുടെ ദേഷ്യം അവളുടെ മേല്‍ തീര്‍ക്കുകയെന്നതല്ല, മറിച്ച് അനുസരണ പഠിപ്പിക്കുകയെന്നതാണ്. അതിനാല്‍ ഇരുമ്പ് ദണ്ഡ്, മൂര്‍ച്ചയുള്ള വസ്തുക്കള്‍ എന്നിവ ഉപയോഗിച്ച് ഭാര്യമാരെ മര്‍ദ്ദിക്കരുതെന്നും ഇയാള്‍ പറയുന്നു. ഭാര്യമാരെ ‘നന്നാക്കാന്‍’ ഈ വഴികള്‍ തന്നെ എപ്പോഴും പിന്തുടരേണ്ടതില്ലെന്നും ചെയ്യുന്ന തെറ്റുകള്‍ക്ക് അനുസരിച്ച് ഭര്‍ത്താക്കന്മാര്‍ക്ക് ശിക്ഷ വിധിക്കാമെന്നും വീഡിയോ പറയുന്നു. തെറാപ്പി സ്‌പെഷലിസ്റ്റായ ഖാലിദ് അല്‍ സാഖ്ബിയാണ് മര്‍ദ്ദിക്കുന്നതിനെക്കുറിച്ച് ക്ലാസെടുക്കുന്നത്. വിവാഹ ജീവിതത്തില്‍ സമത്വം എന്നൊന്നില്ലെന്നും വീട് ഭരിക്കുന്നത് പുരുഷനാണെന്നും സാഖ്ബി വിശദീകരിക്കുന്നു.
Top