പുതുക്കിയ റേഷന്‍ കാര്‍ഡിലെ തെറ്റുകള്‍ കണ്ട് ഞെട്ടിതരിച്ചിരിക്കുകയാണ് ഓരോ മലയാളി കുടുംബവും. അതിനിടയിലാണ് ഞെട്ടല്‍ കോമഡിയായി മാറിയ വാര്‍ത്ത മലപ്പുറത്ത് നിന്നും വന്നിരിക്കുന്നത്.
പുതുക്കിയ റേഷന്‍ കാര്‍ഡിന്റെ പകര്‍പ്പു കണ്ട സെറീനയെന്ന കുടുംബനാഥ ആദ്യം ഒന്ന് ഞെട്ടിയെങ്കിലും പിന്നെ ചിരിയായി മാറി കാരണമെന്തന്നല്ലേ….. പ്രശസ്ത ടെന്നിസ് താരമായ സെറീന വില്യംസ് എന്ന പേരാണു കരട് രേഖയിലുള്ളത്. വെങ്ങിനിക്കര തലശ്ശേരിപറമ്പില്‍ അബൂബക്കറിന്റെ ഭാര്യ സെറീനയുടെ പേരാണ് ഓണ്‍ലൈന്‍ വഴി പ്രസിദ്ധീകരിച്ച കരട് റേഷന്‍ കാര്‍ഡില്‍ സെറീന വില്യംസ് എന്നു തെറ്റിവന്നത്. നേരത്തേ അബൂബക്കറിന്റെ പേരിലുള്ള കാര്‍ഡില്‍ കുടുംബനാഥയായി ഭാര്യ സെറീനയുടെ പേരാണു ചേര്‍ത്തത്.
ഈ പേരാണു സെറീന വില്യംസ് എന്നു തെറ്റായി രേഖപ്പെടുത്തിയിട്ടുള്ളത്. വീട്ടിലെ മറ്റ് അംഗങ്ങളില്‍ ചിലരുടെ പേരുകളും തെറ്റായാണു നല്‍കിയിട്ടുള്ളത്. ഓണ്‍ലൈന്‍ വഴി തെറ്റുകള്‍ പരിഹരിക്കാന്‍ അവസരമുണ്ടെങ്കിലും ഒരു തവണ മാത്രമേ തെറ്റുതിരുത്താന്‍ സാധിക്കുന്നുള്ളൂവെന്നു പലരും പരാതിപ്പെടുന്നു. പിന്നീടുവരുന്ന തെറ്റുകള്‍ തിരുത്താന്‍ സപ്ലൈ ഓഫിസിലോ പഞ്ചായത്തിലോ അപേക്ഷ നല്‍കേണ്ട അവസ്ഥയാണ്.
Top