റെസ്റ്റോറന്റില്‍ ഫുഡുമായി വരുന്നത് സാക്ഷാല്‍ ഷാരൂഖ്ഖാന്‍….സ്‌കൈജമ്പിനായി വിമാനത്തില്‍ പറക്കുകയായിരുന്ന സംഘത്തിലേക്ക് കോക്പിറ്റ് തുറന്നെത്തിയയാളെക്കണ്ട് ആ പെണ്‍കുട്ടി ഞെട്ടി. അവള്‍ ഇരു കൈകളുംകൊണ്ട് മുഖംപൊത്തിപ്പോയി. മറ്റൊരുമായിരുന്നില്ല അത്, ബോളിവുഡിലെ സാക്ഷാല്‍ കിങ് ഖാന്‍.
രാവിലെ ബീച്ചിലൂടെ ജോഗിങ് നടത്തുകയായിരുവീട്ടമ്മയും ഒപ്പം ഓടുന്ന ആളെക്കണ്ട് മുഖം പൊത്തിപ്പോയി. വോളിബോള്‍ കളിക്കുന്നവരുടെ കൂട്ടത്തില്‍ച്ചേര്‍ന്നും റസ്റ്ററന്റില്‍ ഓര്‍ഡര്‍ നല്കി ഭക്ഷണത്തിനു കാത്തിരിക്കുമ്പോള്‍ വിളമ്പാനെത്തിയും ആരാധകരെ ഞെട്ടിക്കുകയാണ് ഷാരൂഖ് ഖാന്‍. എവിടെയും ഷാരൂഖിന്റെ ആരാധകര്‍ അദ്ഭുതത്താല്‍ മുഖംപൊത്തിപ്പോകുന്നു.
ഇതെല്ലാം ചിത്രീകരിച്ചിരിക്കുന്ന മൂന്നു മിനിട്ട് വീഡിയോ ദുബായ് ടൂറിസത്തിന്റെ പരസ്യമാണ്. എന്റെ അതിഥിയാകൂ എന്നുപറഞ്ഞ് ദുബായിലേക്കു ക്ഷണിക്കുകയാണ് ഷാരൂഖ്. അപ്രതീക്ഷിത സന്തോഷങ്ങളാണ് ദുബായ് കാത്തുവച്ചിരിക്കുന്നതെന്ന സന്ദേശം നല്കുന്ന ഈ പരസ്യം സംവിധാനം ചെയ്തിരിക്കുന്നത് പ്രകാശ് വര്‍മ്മയാണ്. യുടൂബില്‍ പോസ്റ്റ് ചെയ്തിരിക്കുന്ന പരസ്യം വൈറലായിക്കഴിഞ്ഞു.
Top