സ്ത്രികള്‍ക്ക് പുരുഷന്‍മാരേക്കാളും ധൈര്യം ഉണ്ടെന്ന് പറയുന്നതില്‍ തെറ്റില്ല. അതിന് ഉത്തമ ഉദാഹരണമാണ് ഈ സംഭവം. ഓസ്‌ട്രേലിയയിലെ 9 ന്യൂസ് ഡാര്‍വിന്‍റെ ഓഫിസിലാണ് ഞെട്ടിപ്പിക്കുന്ന സംഭവങ്ങള്‍ അരങ്ങേറിയത്. എഡിറ്റ് സ്യൂട്ടിലെ കമ്പ്യൂട്ടറിനടുത്ത് പതുങ്ങിയിരിക്കുന്ന പാമ്പിനെ ആദ്യം കണ്ടത് ഒരു ക്യാമറ മാന്‍ ആയിരുന്നു.
എല്ലാവരും ഞെട്ടിത്തരിച്ച് നിന്നപ്പോഴാണ് ഒരു സ്ത്രീ അങ്ങോട്ട് കടന്നുവന്നത്. പാമ്പിനെ കണ്ട് അവര്‍ ഭയന്നില്ല എന്ന് മാത്രമല്ല, അതിനെ ‘കൂള്‍’ ആയി പിടിക്കുയും ചെയ്തു.
ഒരു വയര്‍ ഹാങ്ങര്‍ മാത്രം ഉപയോഗിച്ചായിരുന്നു പാമ്പിനെ ഇവര്‍ കൈകൊണ്ട് പിടികൂടിയത്. രണ്ട് മീറ്ററളം നീളമുണ്ട് പാമ്പിനെ. എന്നാലും ഒരു പേടിയും കൂടാതെ ഇവര്‍ പാമ്പിനെ പിടിച്ചു. സഹപ്രവര്‍ത്തകന്‍ തുറന്ന് കൊടുത്ത സഞ്ചിയില്‍ സുരക്ഷിതമായി നിക്ഷേപിക്കുകയും ചെയ്തു.
9 ന്യൂസ് ഡാര്‍വിന്‍റെ ഫേസ്ബുക്ക് പേജില്‍ ഈ വീഡിയോ പോസ്റ്റ് ചെയ്യുകയും ചെയ്തു. സംഗതി ഇപ്പോള്‍ ഓണ്‍ലൈന്‍ ലോകത്ത് വൈറല്‍ ആയിക്കഴിഞ്ഞു.
ഇത് കണ്ട് എല്ലാവരും പാമ്പിനെ പിടിക്കാന്‍ ഇറങ്ങാതിരിക്കുകയാവും ബുദ്ധി. കാരണം ഈ സ്ത്രീയ്ക്ക് പാമ്പ് പിടിത്തത്തില്‍ മുന്‍പരിചയം ഉണ്ട്. അവര്‍ അക്കാര്യത്തില്‍ ഒരു വിദഗ്ധ കൂടിയാണ്.
Top