സോളാർ വിവാദ നായികയ്ക്കു കല്യാണം; വരൻ കൊല്ലം സ്വദേശി

സ്വന്തം ലേഖകൻ

കോട്ടയം: സോളാർ വിവാദ നായികയും സിനിമാ താരവുമായ ശാലൂ മേനോനു വിവാഹം. സീരിയൽ നടനും കൊല്ലം സ്വദേശിയുമായ സജി ജി നായരാണ് വരൻ. സെപ്റ്റംബർ എട്ടിന് ഗുരുവായൂർ അമ്പല നടയിൽ വച്ചായിരിയ്ക്കും വിവാഹം.
മലയാളത്തിലെ തന്നെ പുരാണ സീരിയലിൽ നാരദ വേഷം ചെയ്ത ആളാണ് സജി. ഇത് പാതിരാമണൽ, ഇന്ദ്രജിത്ത്, കിസാൻ, മകൾക്ക്, പരിണാമം, വക്കാലത്ത് നാരായണൻകുട്ടി, കാക്കകുയിൽ, കവർ സ്റ്റോറി തുടങ്ങിയ സിനിമകളിൽ അഭിനയിച്ചിട്ടുണ്ട്.
സോളാർ കേസുമായി ബന്ധപ്പെട്ട് ഏറെ വിവാദങ്ങളിൽ പെട്ട നടിയാണ് ശാലു!. ഇപ്പോൾ ജയിലിൽ കഴിയുന്ന പ്രതി ബിജു രാധാകൃഷ്ണനുമായുള്ള അടുപ്പം ശാലുവിനെ കേസന്വേഷണത്തിനിടെ കുടുക്കിയിരുന്നു. ഇപ്പോൾ സ്വന്തം കുടുംബത്തിന്റെ പേരിലുള്ള നൃത്ത വിദ്യാലയം നടത്തുകയാണ് ശാലൂ മേനോൻ.