ബിഗ് ബജറ്റ് ചിത്രം 24ല്‍ സൂര്യ എത്തുന്നത് നാല് വ്യത്യസ്ത വേഷങ്ങളില്‍. വിക്രം കുമാര്‍ സംവിധാനം ചെയ്യുന്ന സയന്‍സ് ത്രില്ലറില്‍ മൂന്ന് തലമുറയിലെ കഥാപാത്രങ്ങളെ സൂര്യ അവതരിപ്പിക്കും. സമാന്തയാണ് ചിത്രത്തില്‍ നായിക. ഒരു സയന്റിസ്റ്റ് വേഷവും ഗ്യാങ്സ്റ്റര്‍ വേഷവും ചിത്രത്തില്‍ സൂര്യക്കുണ്ട്. സൂര്യയുടെ ടു ഡി എന്റര്‍ടയ്ന്‍മെന്റാണ് ചിത്രം നിര്‍മിക്കുന്നത്.
2008ല്‍ പുറത്തിറങ്ങിയ ഗൗതം മേനോന്‍ ചിത്രം വാരണം ആയിരത്തില്‍ സൂര്യ ഇരട്ട വേഷത്തില്‍ അഭിനയിച്ചിരുന്നു. ഏഴാം അറിവ്, മാട്രാന്‍, അന്‍ജാന്‍, മാസ് എന്നീ ചിത്രങ്ങളിലും ഒന്നിലധികം വേഷങ്ങളിലാണ് സൂര്യ എത്തിയത്. നിത്യ മേനോന്‍, സമാന്ത തുടങ്ങിയവരാണ് ചിത്രത്തിലെ നായികമാര്‍. എ ആര്‍ റഹ്മാനാണ് സംഗീതം. ചിത്രം ഏപ്രിലില്‍ തീയറ്ററുകളിലെത്തും.
Top