ബാഹുബലിയേപോലും കടത്തിവെട്ടിയ ‘ദി ഗ്രേറ്റ് ഫാദറിന്റ ആദ്യ ടീസറിനു ശേഷം രണ്ടാമത്തെ ടീസറും ഇന്ന് പുറത്തിറക്കി. നവാഗതനായ ഹനീഫ് അദേനി സംവിധാനം ചെയ്യുന്ന ചിത്രത്തില്‍ ഡേവിഡ് നൈനാന്‍ എന്ന സ്‌റ്റൈലിഷ് ലുക്കിലെത്തുന്ന കഥാപാത്രമാണ് മമ്മൂട്ടി.
പൃഥ്വിരാജ് ചിത്രം ‘എസ്ര’യ്‌ക്കൊപ്പം തീയേറ്ററുകളിലാണ് ‘ഗ്രേറ്റ് ഫാദറി’ന്റെ ആദ്യടീസര്‍ എത്തിയത്. പിന്നാലെ ഫേസ്ബുക്കിലും ടീസര്‍ തരംഗം തീര്‍ത്തു. ഫേസ്ബുക്കിന്റെ ക്രോസ്‌പോസ്റ്റിങ് സംവിധാനത്തിലൂടെ മലയാളസിനിമയില്‍ പുറത്തുവിട്ട ആദ്യടീസറുമായിടുന്നു ടിജിഎഫിന്റേത്. ഇപ്പോഴിതാ ചിത്രത്തിന്റെ രണ്ടാം ടീസര്‍ പുറത്തെത്തിയിരിക്കുകയാണ്.
ബേബി അനിഘ അവതരിപ്പിക്കുന്ന ഡേവിഡ് നൈനാന്റെ മകളുടെ വിവരണത്തിലാണ് രണ്ടാം ടീസര്‍. അച്ഛന്‍ മുംബൈ അധോലോകത്തില്‍ പലരെയും വിറപ്പിക്കുന്ന ആളെന്ന നിലയില്‍ സുഹൃത്തുക്കളോടുള്ള വിവരണമാണ് ടീസറില്‍. മാര്‍ച്ച് 30നാണ് സിനിമയുടെ റിലീസിങ്.
Top