തിരുവനന്തപുരം: മകള്‍ മൊട്ടയടിച്ച ചിത്രം രസികന്‍ ട്രോള്‍ പോസ്റ്റാക്കി മാറ്റി ടൊവിനോ. അച്ഛന്‍ നായകനായി അഭിനയിക്കുന്ന പടങ്ങള്‍ ഒക്കെ സൂപ്പര്‍ ഹിറ്റ് ആവാന്‍ വേളാങ്കണ്ണി പള്ളിയില്‍ നേര്‍ച്ച നേര്‍ന്ന് മൊട്ടയടിച്ച കുഞ്ഞാവ..: എന്നു പറഞ്ഞാണ് ടൊവിനോയുടെ പോസ്റ്റ്.
മൊട്ടയടിച്ച മകളുടെ ചിത്രത്തിനൊപ്പം രസകരമായ കുറിപ്പും ചേര്‍ത്താണ് ടൊവിനോ ഫേസ്ബുക്കില്‍ പോസ്റ്റ് ചെയ്തിരിക്കുന്നത്. തന്റെ പുതിയ ചിത്രങ്ങളുടെ പാട്ടുകളുടെയും ട്രെയിലറുകളുടെയും ലിങ്കുകളും താരം പോസ്റ്റ് ചെയ്തിട്ടുണ്ട്.
ചിത്രത്തിന്റെ താഴെ വരാന്‍ സാധ്യതയുള്ള കമന്റും ടൊവിനോ തന്റെ കുറിപ്പില്‍ ഉള്‍പ്പെടുത്തിയിട്ടുണ്ട്. ഫാമിലി സെന്റിമെന്റ്‌സ് കിട്ടാന്‍ വേണ്ടി ടോവിനോ തോമസിന്റെ സൈക്കോളജിക്കല്‍ മൂവ് എന്നാണ് ടൊവിനോ എഴുതിയിരിക്കുന്നത്.
ദിലീപിനൊപ്പം മീനാക്ഷി മൊട്ടയടിച്ച ചിത്രം കമന്റായി ഇട്ട് ട്രോളര്‍മാരുടെ കമന്റിനെ നേരത്തെ തന്നെ താരം പ്രതിരോധിച്ചിട്ടുണ്ട്. ഇസ്സ എന്നാണ് ടൊവിനോയുടെ മകളുടെ പേര്. ടൊവിനോയുടെ പോസ്റ്റിനു താഴെ സഹോദരന്‍ ടിന്‍സ്റ്റണ്‍ തോമസ് തന്റെ ചിത്രവും പങ്ക് വെയ്ക്കുന്നുണ്ട്. എന്തായാലും ടൊവിനോടുടെ സെല്‍ഫ് ട്രോളിന് ട്രോളുമായി ആരാധകര്‍ കമന്റുകള്‍ രേഖപ്പെടുത്തിയിട്ടുണ്ട്
Top