കുടുംബപ്രശ്‌നം; ബന്ധുക്കളായ രണ്ടു പെണ്‍കുട്ടികള്‍ തൂങ്ങിമരിച്ചു

പാലക്കാട്: കോളേജ് കെട്ടിടത്തിനു മുകളില്‍ നിന്ന് ചാടി ആത്മഹത്യ ചെയ്ത വിദ്യാര്‍ത്ഥിക്കു പിന്നാലെ പാലക്കാട് രണ്ട് പെണ്‍കുട്ടികള്‍ ആത്മഹത്യ ചെയ്തു. ബന്ധുക്കളായ രണ്ട് പെണ്‍കുട്ടികള്‍ തൂങ്ങിമരിച്ച നിലയിലാണ് കണ്ടെത്തിയത്.

ഒലവക്കോട് സ്വദേശികളായ അനുപ്രിയ (20), ബന്ധുവായ നിമ (20) എന്നിവരാണ് മരിച്ചത്. വീട്ടിനകത്താണ് ഇവരെ തൂങ്ങി മരിച്ച നിലയില്‍ കണ്ടെത്തിയത്. മൃതദേഹങ്ങള്‍ക്ക് അരികില്‍ നിന്നും ആത്മഹത്യാകുറിപ്പ് ലഭിച്ചിട്ടുണ്ട്. കുടുംബപ്രശ്‌നമാണ് ആത്മഹത്യയ്ക്ക് കാരണമെന്നാണ് ആത്മഹത്യാകുറിപ്പില്‍ പറയുന്നത്. പൊലീസ് സ്ഥലത്തെത്തിയിട്ടുണ്ട്.