വെട്ടോറിയെ ഇന്ത്യൻ കോച്ചാക്കാൻ കോഹ്ലി

സ്‌പോട്‌സ് ഡെസ്‌ക്

ഇന്ത്യൻ ക്രിക്കറ്റ് ടീമിന്റെ കോച്ചായി മുൻ ന്യൂസിലൻഡ് താരം ഡാനിയേൽ വെട്ടോറിയെ നിയമിക്കണമെന്ന് വിരാട് കൊഹ്ലി. ഐ പി എല്ലിൽ ബാംഗ്ലൂർ റോയൽ ചലഞ്ചേഴ്‌സിന്റെ കോച്ചാണ് വെട്ടോറി. കൊഹ്ലി ആർ സി ബിയുടെ ക്യാപ്റ്റനും.

ഇന്ത്യൻ ടീമിന് ഏറ്റവും അനുയോജ്യനായ പരിശീലകനായിരിക്കും വെട്ടോരിയെന്ന് കൊഹ്ലി പറഞ്ഞു. 2014ൽ ധോണിക്ക് പകരം കൊഹ്ലി ഇന്ത്യൻ ടെസ്റ്റ് ടീമിന്റെ നായകനായിരുന്നു. കഴിഞ്ഞ വർഷമാണ് വെട്ടോറി രാജ്യാന്തര ക്രിക്കറ്റിൽ നിന്ന് വിരമിച്ചത്.

അടുത്തവർഷം മാർച്ച് വരെ ഇന്ത്യ 18 ടെസ്റ്റുകളാണ് കളിക്കുക. ഇതുകൊണ്ടുതന്നെ രാഹുൽ ദ്രാവിഡിനെ കോച്ചാക്കാൻ ബിസിസിഐ ശ്രമിച്ചിരുന്നു. ലോകകപ്പോടെ സ്ഥാനമൊഴിഞ്ഞ രവി ശാസ്ത്രിക്ക് പകരമാണ് ഇന്ത്യ പുതിയ കോച്ചിനെ തേടുന്നത്.