സെലിബ്രിറ്റികളായ സ്ത്രീകള്‍ക്ക് പോലും രക്ഷയില്ല എന്നതാണ് പ്രമുഖ നടിയെ ക്വട്ടേഷന്‍ നല്‍കി ആക്രമിച്ച സംഭവം നമുക്ക് കാട്ടിത്തന്നത്. മലയാളിയും ബോളിവുഡിലെ തിരക്കുള്ള താരവുമായ വിദ്യാ ബാലനുമുണ്ട് അത്തരമൊരു അനുഭവം പങ്കുവെയ്ക്കാന്‍. നോ ഫില്‍ട്ടര്‍ നേഹ എന്ന ടെലിവിഷന്‍ പരിപാടിയിലാണ് വിദ്യാ ബാലന്‍ തനിക്ക് നേരിട്ട ഒരു ദുരനുഭവം പങ്കുവെച്ചത്. വിദ്യ സിനിമാ താരമാകുന്നതിനും മുന്‍പ് കോളേജ് പഠനകാലത്തായിരുന്നു ആ മോശം അനുഭവം ഉണ്ടായത്. സെന്റ് സേവിയേഴ്‌സ് കോളേജിലെ വിദ്യാര്‍ത്ഥിനി ആയിരുന്ന കാലത്ത് ട്രെയിനിലായിരുന്നു വിദ്യയും സുഹൃത്തുക്കളും യാത്ര ചെയ്തിരുന്നത്. ഒരു ദിവസം പതിവുപോലെ കോളേജില്‍ നിന്നും മുംബൈയിലെ വീട്ടിലേക്ക് യാത്ര ചെയ്യുകയായിരുന്നു വിദ്യയും കൂട്ടുകാരികളും. ലോക്കല്‍ ട്രെയിനിലെ വനിതാ കംപാര്‍ട്ട്‌മെന്റിലായിരുന്നു യാത്ര. വിദ്യയ്‌ക്കൊപ്പം മൂന്ന് സുഹൃത്തുക്കളായിരുന്നു ഉണ്ടായിരുന്നത്. സുഹൃത്തുക്കളുമായി സംസാരിച്ചിരിക്കെ വനിതാ കംപാര്‍ട്ട്‌മെന്റിലേക്ക് ഒരു പുരുഷന്‍ കയറി. പന്തികേട് തോന്നിയ വിദ്യയും കൂട്ടുകാരും പ്രതികരിച്ചു. വനിതി കംപാര്‍ട്ട്‌മെന്റ് ആണെന്നും ഇറങ്ങിപ്പോകാനും അയാളോട് ആവശ്യപ്പെട്ടു. പക്ഷേ ട്രെയിനില്‍ നിന്നിറങ്ങാന്‍ അയാള്‍ കൂട്ടാക്കിയില്ല. എന്ന് മാത്രമല്ല വിദ്യാ ബാലനേയും മറ്റ് സ്ത്രീകളേയും ഞെട്ടിച്ച് കൊണ്ട് അയാള്‍ വാതിലിന് അരികെ നിന്ന് തന്റെ പാന്റിന്റെ സിബ്ബ് തുറന്നു. വിദ്യ അടക്കമുള്ള സ്ത്രീകളുടെ മുന്നില്‍ വെച്ച് സ്വയംഭോഗം ചെയ്യാന്‍ ആരംഭിച്ചു. അയാളുടെ തെമ്മാടിത്തരം കണ്ട് പ്രതികരിക്കാതെ നില്‍ക്കാന്‍ തനിക്കായില്ലെന്ന് വിദ്യാബാലന്‍ പറയുന്നു. തന്റെ കയ്യിലുണ്ടായിരുന്ന ഫയല്‍ ഉപയോഗിച്ച് വിദ്യ ആ ഞരമ്പ് രോഗിയെ ട്രെയിനില്‍ നിന്നും ശക്തമായി തള്ളി. ട്രെയിന്‍ അപ്പോഴേക്കും അടുത്ത സ്‌റ്റേഷന്‍ എത്തിയിരുന്നു. അതുകൊണ്ട് മാത്രം അയാള്‍ ട്രെയിനിന് അടിയിലേക്ക് വീണ് മരിച്ചില്ല എന്നും വിദ്യാ ബാലന്‍ പറയുന്നു. സിനിമയില്‍ എത്തിയ ശേഷവും അപമര്യാദയായി പെരുമാറുന്നവരെ കണക്കിന് വിദ്യ കൈകാര്യം ചെയ്യാറുണ്ട്. ഒരിക്കല്‍ കൊല്‍ക്കത്ത വിമാനത്താവളത്തില്‍ വെച്ച് അപമാനിക്കാന്‍ ശ്രമിച്ച ആരാധകന് വിദ്യ കണക്കിന് കൊടുത്തിരുന്നു. ബീഗം ജാന്‍ എന്ന ചിത്രത്തിന്റെ പ്രമോഷന്‍ പരിപാടികളുമായി ബന്ധപ്പെട്ട യാത്രകള്‍ക്കിടെയാണ് പ്രസ്തുത സംഭവം. വിമാനത്താവളത്തില്‍ വെച്ച് ഒരാള്‍ സെല്‍ഫി എടുക്കണം എന്ന ആവശ്യവുമായി വന്നു. വിദ്യ സമ്മതം മൂളുകയും ചെയ്തു. ഫോട്ടോയ്ക്ക് ആരാധകന് പോസ് ചെയ്തതാകട്ടെ വിദ്യയെ കയറിപ്പിടിച്ച് കൊണ്ടായിരുന്നു.
ഇതോടെ വിദ്യാ ബാലന്റെ നിയന്ത്രണം വിട്ടു. അയാളോട് ദേഹത്ത് നിന്നും കൈ എടുക്കാന്‍ ആവശ്യപ്പെട്ടു. ആദ്യം കൈ എടുത്തെങ്കിലും രണ്ടാം വട്ടവും ഫോട്ടോയ്ക്ക് നിന്നപ്പോള്‍ വിദ്യയെ അയാള്‍ ചുറ്റിപ്പിടിക്കുകയായിരുന്നു. അതോടെ വിദ്യാ ബാലന്റെ സകല നിയന്ത്രണവും നഷ്ടപ്പെട്ടു. നിങ്ങളെന്താണ് ചെയ്യുന്നത് എന്ന് ചോദിച്ച് പൊട്ടിത്തെറിച്ച വിദ്യയെ ഗൗനിക്കാതെ അയാള്‍ ഫോട്ടോ എടുക്കുന്ന തിരക്കിലായിരുന്നു. അതോടെ താരം അയാളുടെ കരണക്കുറ്റി നോക്കി അടിക്കുകയും ചെയ്തു.
Top