ആലപ്പുഴ: നടൻ ദിലീപിന് എതിരെ നടൻ വിനായകൻ. നടി ആക്രമിക്കപ്പെട്ടതുമായി ബന്ധപ്പെട്ട് നടന്‍ ദിലീപിനെ അറസ്റ്റ് ചെയ്ത സംഭവത്തില്‍ പ്രതികരണവുമായി മികച്ച നടനുള്ള സംസ്ഥാന പുരസ്കാരം നേടിയ വിനായകന്‍.ദിലീപിനെ അറസ്റ്റ് ചെയ്ത സംഭവം പോലീസിന്റെ മണ്ടത്തരമായി കാണാനാവില്ലെന്ന് വിനായകന്‍ പ്രതികരിച്ചു. 65ാമത് നെഹ്റു ട്രോഫി വള്ളം കളിയുടെ ലോഗോ പ്രകാശനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ കലക്ടര്‍ വീണയുടെ സാന്നിധ്യത്തിലായിരുന്നു വിനായകന്റെ അഭിപ്രായപ്രകടനം.തനിക്ക് ചിലത് പറയാനുണ്ട്. പക്ഷെ കാത്തിരിക്കുകയാണ്. കോടതി നടപടികള്‍ പൂര്‍ത്തിയാകട്ടെ- വിനായകന്‍ പറഞ്ഞു.സിനിമയില്‍ വലിയ മാറ്റങ്ങള്‍ സംഭവിച്ചുകൊണ്ടിരിക്കുകയാണ്. അല്‍പ്പം കാത്തിരുന്നാല്‍ നല്ല സമയം വരും- വിനായകന്‍ കൂട്ടിച്ചേര്‍ത്തു.
Top