ബാഹുബലി കോടികള്‍ വാരി മുന്നേറുമ്പോള്‍ നായകന്‍ പ്രഭാസിന്റെ പ്രതിഫലവും ബോളിവുഡ് താരങ്ങള്‍ക്കൊപ്പം. ചിത്രത്തിനായി പ്രഭാസ് കഷ്ടപ്പെട്ടത് അഞ്ചുവര്‍ഷത്തോളമാണ്. ആദ്യ ഭാഗമിറങ്ങി ഒന്നര വര്‍ഷത്തിനു ശേഷമാണ് ബാഹുബലിയുടെ രണ്ടാം ഭാഗം ഇറങ്ങിയത്. ചിത്രത്തിനായി വര്‍ഷങ്ങള്‍ മാറ്റിവച്ച നടന്‍ ബാഹുബലിക്കായി വാങ്ങിയത് 25 കോടി മാത്രമാണ്. എന്നാല്‍ ബോക്‌സോഫിസില്‍ ചരിത്രം സൃഷ്ടിച്ച് ആയിരം കോടിയുമായി മുന്നേറുന്ന ബാഹുബലിയുടെ വലിയ വിജയത്തോടെ പ്രതിഫലനവും പ്രഭാസ് കുത്തനെ ഉയര്‍ത്തിക്കഴിഞ്ഞു. അഞ്ചു കോടി രൂപയാണ് പ്രഭാസ് വര്‍ധിപ്പിച്ചത്.
അഞ്ചുകോടി വര്‍ധനവുണ്ടാകുമ്പോള്‍ പ്രഭാസിന്റെ അടുത്ത ചിത്രം മുതല്‍ 30 കോടി ആകും പ്രതിഫലം. പ്രഭാസിന്റെ പുതിയ ചിത്രം സാഹോ എന്ന ചിത്രം 150 കോടി മുതല്‍മുടക്കിലാണ് അണിയറയില്‍ ഒരുങ്ങുന്നത്. എന്നാല്‍ ഈ ബിഗ്ബഡ്ജറ്റ് ചിത്രത്തില്‍ പ്രഭാസിന്റെ പ്രതിഫലം എത്രയെന്ന് വെളിപ്പെടുത്തിയിട്ടില്ല. ചിത്രം അടുത്ത വര്‍ഷം തിയറ്ററുകളില്‍ എത്തും. ഈ പ്രതിഫലത്തോടെ പ്രഭാസ് ബോളിബുഡ് സൂപ്പര്‍ താരങ്ങള്‍ക്ക് ഒപ്പമെത്തിയെന്നാണ് സൂചന.
ബോളിവുഡില്‍ പ്രതിഫലത്തില്‍ മുമ്പില്‍ കിങ് സല്‍മാന്‍ ഖാനാണ്. അറുപതു കോടിയാണ് ഒരു ചിത്രത്തിനായി സല്‍മാന്‍ വാങ്ങുന്നത്. രണ്ടാമത് ആമിര്‍ ഖാനാണ് (5560) കോടിയുമായി. ഷാരുഖ് ഖാന്‍ (40-45) കോടി. ഇപ്പോള്‍ ഇവര്‍ക്ക് പിന്നാലെ പ്രഭാസും എത്തിയിരിക്കുകയാണ്. ബോളിവുഡ് നടിമാരില്‍ 12 കോടിയുമായി കങ്കണ റണൗട്ടാണ് മുന്നില്‍. എട്ടു കോടിയുമായി ദീപിക പദുക്കോണ്‍ രണ്ടാമതാണ്. കരീന കപൂറും എട്ടു കോടിയാണ് പ്രതിഫലം വാങ്ങുന്നത്
Top