ബിയര്‍ ടിന്നു കൊണ്ട് നിരവധി ഉപയോഗങ്ങളുണ്ട്. എന്നാല്‍ ബിയര്‍ ടിന്നുകൊണ്ടു ഇങ്ങനെയും ഒരു ഉപയോഗമുണ്ടെന്ന കാര്യം ആര്‍ക്കും അറിയില്ലായിരിക്കും. ബിയര്‍ ടിന്നുകൊണ്ടു ഇന്റര്‍നെറ്റ് കണക്ഷന്റെ വേഗത വര്‍ധിപ്പിക്കാമെന്നതാണ് പുതിയ കണ്ടെത്തല്‍.
വേഗതയില്ലാത്ത നെറ്റ് കണക്ഷന്‍ കൊണ്ടു ബുദ്ധിമുട്ടുന്ന എല്ലാവര്‍ക്കും ഇതു പരീക്ഷിക്കാവുന്നതാണ്. സംഭവം വ്യാജമാണെന്ന് തോന്നാമെങ്കിലും കണ്ടെത്തലിന്റ വിഡിയോ സഹിതമാണ് ഗവേഷകര്‍ രംഗത്തെത്തിയിരിക്കുന്നത്.
ചെയ്യേണ്ടത് ഇത്രമാത്രം, ബിയര്‍ വാങ്ങി ഗ്ലാസിലേക്ക് ഒഴിക്കുക. ബിയര്‍ ടിന്നിന്റെ മുകള്‍ ഭാഗം മുറിക്കുക. വിഡിയോയില്‍ കാണുന്നത് പോലെ ചെയ്യുക. മുഴുവനായും മുറിച്ചു മാറ്റരുതെന്ന് ചുരുക്കം.
ടിന്നിന്റെ മുകള്‍ ഭാഗത്തിന്റെ അവസാനഭാഗം നിലനിര്‍ത്തി തന്നെ താഴെ ഭാഗം മുറിക്കുക. ഇപ്പോള്‍ ബിയര്‍ ടിന്നിനു ഒരു സാറ്റലൈറ്റ് ഡിഷിന്റെ രൂപം തോന്നും. ഇനി ബിയര്‍ ടിന്‍ വൈഫൈ റൂട്ടറിന്റെ ആന്റിനയ്ക്ക് മുകളിലായി സ്ഥാപിക്കുക. തുടര്‍ന്ന് വൈഫൈയുടെ സ്പീഡ് പിംഗ് ചെയ്ത് നോക്കൂ. എന്തെങ്കിലും മാറ്റമുണ്ടെങ്കില്‍ പരീക്ഷണം വിജയിച്ചെന്നു പറയാം.
Top