ദേശീയ പണിമുടക്കില്‍ കടകള്‍ അടപ്പിക്കില്ല: വിനോദ സഞ്ചാര മേഖലയെ ഒഴിവാക്കിയെന്ന് സിഐടിയു

തിരുവനന്തപുരം: ദേശീയ പണിമുടക്കില്‍ നിന്ന് വിനോദ സഞ്ചാര മേഖലയെ ഒഴിവാക്കിയെന്നും കടകള്‍ നിര്‍ബന്ധിച്ച് അടപ്പിക്കില്ലെന്നും സി ഐടിയു സംസ്ഥാന സെക്രട്ടറി എളമരം കരീം. വിദേശ വിനോദ സഞ്ചാരികള്‍ക്ക് ബുദ്ധിമുട്ടുണ്ടാകുമെന്ന് സര്‍ക്കാര്‍ അറിയിച്ചുവെന്നും തുടര്‍ന്നാണ് ഈ തീരുമാനത്തിയതെന്നും എളമരം കരീം പറഞ്ഞു.

പണിമുടക്കുമായി സഹകരിക്കില്ലെന്ന് വ്യാപാരിവ്യവസായി ഏകോപനസമിതി നേരത്തെ വ്യക്തമാക്കിയിരുന്നു. തുറന്ന കടകള്‍ക്ക് പൊലീസ് സംരക്ഷണം ആവശ്യപ്പെടും. ദേശീയ പണിമുടക്ക് ഹര്‍ത്താലായി മാറരുതെന്ന് യു.ഡി.എഫ് ഘടകകക്ഷികള്‍ക്ക് നിര്‍ദേശം നല്‍കിയിട്ടുണ്ടെന്ന് പ്രതിപക്ഷ നേതാവ് രമേശ് ചെന്നിത്തലയും അറിയിച്ചു.