നിഖിലിനായി സിപിഎം നേതാവ് ശുപാര്‍ശ ചെയ്തു; പേര് വെളിപ്പെടുത്താന്‍ തയ്യാറല്ല; എംഎസ്എം കോളേജ് മാനേജര്‍

ആലപ്പുഴ: എസ്എഫ്‌ഐ നേതാവ് നിഖില്‍ തോമസിന്റെ വ്യാജ ഡിഗ്രി സര്‍ട്ടിഫിക്കറ്റ് വിവാദത്തില്‍ പുതിയ വെളിപ്പെടുത്തലുമായി എംഎസ്എം കോളേജ് മാനേജര്‍ ഹിലാല്‍ ബാബു. നിഖിലിനായി സിപിഎം നേതാവ് ശുപാര്‍ശ ചെയ്തിരുന്നു. അയാളുടെ പേര് വെളിപ്പെടുത്താന്‍ തയ്യാറല്ല. പേര് പറയാത്തത് അയാളുടെ രാഷ്ട്രീയ ഭാവി പോകും എന്നതിനാലാണെന്നും ഹിലാല്‍ ബാബു വിശദമാക്കി. നിഖിലിന് എതിരെ കോളേജ് മാനേജ്‌മെന്റ് പൊലീസില്‍ പരാതി നല്‍കിയിട്ടുണ്ട്.

സര്‍ട്ടിഫിക്കറ്റ് പരിശോധിച്ചത് അധ്യാപകരാണ്. അധ്യാപകര്‍ക്കു വീഴ്ചയുണ്ടായോയെന്ന് പരിശോധിച്ചു പറയാം. വ്യാജ സര്‍ട്ടിഫിക്കറ്റ് ആണെന്ന് പ്രകടമായത് ഇപ്പോഴാണ്. പോലീസില്‍ പരാതി നല്‍കിയെന്നും ഹിലാല്‍ ബാബു പറഞ്ഞു.