മഞ്ജു വാര്യര്‍ കലക്കവെള്ളത്തില്‍ മീന്‍ പിടിക്കുന്നു; പ്രതിഷേധവുമായി ദിലീപ് ഫാന്‍സ്
കൊച്ചിയില്‍ നടിയെ ആക്രമിച്ച സംഭവത്തില്‍ നടി മഞ്ജു വാര്യര്‍ കലക്കവെള്ളത്തില്‍ മീന്‍ പിടിക്കുകയാണെന്ന് ദിലീപ് മീഡിയ ക്ലബ്ബ്. കഴിഞ്ഞ ദിവസം മഞ്ജു അവതരിപ്പിച്ച നൃത്ത പരിപാടി ആക്രമിക്കപ്പെട്ട നടിക്ക് സമര്‍പ്പിച്ചിരുന്നു. ഇതാണ് ദിലീപ് മീഡിയ ക്ലബ്ബിനെ ചൊടിപ്പിച്ചത്. കൂട്ടുകാരിക്ക് പറ്റിയ അപകടത്തെ ഏറ്റവും കുടുതല്‍ മുതലെടുത്തതും മഞ്ജു വാര്യരാണെന്ന് ദിലീപ് മീഡിയ ക്ലബ്ബ് ആരോപിക്കുന്നു.
ഒരുപടി കൂടി കടന്ന് മഞ്ജു കലക്കവെള്ളത്തില്‍ മീന്‍ പിടിക്കുകയാണെന്നും അവര്‍ ആരോപിച്ചു. ദിലീപ് ആരാധകരുടെ കൂട്ടായ്മയാണ് ദിലീപ് മീഡിയ ക്ലബ്ബ് എന്ന ഫെയ്സ്ബുക്ക് പേജ്. എന്നാല്‍ ദിലീപിന്റെ അറിവോടെയും സമ്മതത്തോടെയുമാണോ ഈ പേജ് പ്രവര്‍ത്തിക്കുന്നതെന്ന് വ്യക്തമല്ല. പോസ്റ്റിന്റെ കമന്റില്‍ മഞ്ജുവിനെ അനുകൂലിച്ചും ചിലര്‍ രംഗത്ത് വന്നിട്ടുണ്ടെന്നത് ശ്രദ്ധേയമാണ്.
നടി ആക്രമിക്കപ്പെട്ട സംഭവത്തില്‍ ശക്തമായ സിനിമാ രംഗത്ത് നിന്ന് ശക്തമായ പ്രതികരണം നടത്തിയ ആദ്യ താരങ്ങളിലൊരാളാണ് മഞ്ജു. സംഭവത്തിന് പിന്നില്‍ ക്രിമിനല്‍ ഗൂഢാലോചനയുണ്ടെന്ന് മഞ്ജു വെട്ടിത്തുറന്ന് പറഞ്ഞിരുന്നു. പ്രതിസന്ധികളെ തരണം ചെയ്ത് അഭിനയത്തിലേക്ക് തിരിച്ചു വന്ന നടിയെ മഞ്ജു അഭിനന്ദിക്കുകയും ചെയ്തിരുന്നു
Top