സോഷ്യല്‍ മീഡിയയിലെ 10 ഇയര്‍ ചലഞ്ചിനെ വെല്ലുവിളിച്ച് ദിവ്യ ഉണ്ണി. ഈ വര്‍ഷം സോഷ്യല്‍ മീഡിയയില്‍ വൈറലായ ചലഞ്ചായിരുന്നു 10 ഇയര്‍ ചലഞ്ച്. ഓരോരുത്തരും തങ്ങളുടെ ഇപ്പോഴത്തെയും പത്ത് വര്‍ഷം മുമ്പത്തേയും ഫോട്ടോ മറ്റുള്ളവര്‍ക്കായി പങ്കുവയ്ക്കുന്നതായിരുന്നു ചലഞ്ച്.
മലയാളികളുടെ പ്രിയ താരങ്ങളില്‍ പലരും ഈ ചലഞ്ച് ഏറ്റെടുത്ത് സാമൂഹിക മാധ്യമങ്ങളില്‍ തങ്ങളുടെ പഴയ ചിത്രങ്ങള്‍ പോസ്റ്റ് ചെയ്ത് രംഗത്ത് വന്നിരുന്നു. എന്നാല്‍, പത്തില്‍ ഒതുക്കാതെ കിടിലന്‍ 24 ഇയര്‍ ചലഞ്ചുമായി വന്നിരിക്കുകയായണ് മലയാളത്തിന്റെ പ്രിയ നടി ദിവ്യ ഉണ്ണി.
1995-ല്‍ മോഡലിംഗ് ചെയ്തിരുന്ന സമയത്തെ തന്റെ ചിത്രവും ഇപ്പോഴത്തെ ചിത്രവും പങ്കുവച്ചാണ് ദിവ്യ ആരാധകരെ ഞെട്ടിച്ചിരിക്കുന്നത്.
രണ്ടും തമ്മില്‍ പറയത്തക്ക വ്യത്യാസമൊന്നും കണ്ടെത്താനാകുന്നില്ലെന്നാണ് ആരാധകര്‍ പറയുന്നത്.. ഒന്നുകൂടി ചെറുപ്പമായിരിക്കുന്നുവെന്നാണ് ചിലരുടെ അഭിപ്രായം. എന്തായാലും താരത്തിന്റെ ഈ 24 ഇയര്‍ ചലഞ്ച് ഇപ്പോള്‍ വൈറലായിരിക്കുകയാണ്.
Top