രാഹുലിനെഏറ്റവും അധികം വിമർശിച്ചയാൾ ;സന്ദീപ് വാര്യർക്ക് ഒളിയമ്പുമായി കെ. മുരളീധരന്‍.എല്ലാക്കാലത്തും സ്‌നേഹത്തിന്റെ കടയില്‍ ഉണ്ടാകണം, അടുത്ത ഇലക്ഷൻ സമയത്ത് വെറുപ്പിന്റെ കടയിൽ മെമ്പർഷിപ്പ് എടുക്കാൻ പോകരുത്

കൊച്ചി :സന്ദീപ് വാര്യർ കോൺഗ്രസിനിലേക്ക് വന്നതിൽ ഒളിയമ്പുമായി കെ മുരളീയധരൻ .എല്ലാക്കാലത്തും സ്‌നേഹത്തിന്റെ കടയില്‍ ഉണ്ടാകണം, അടുത്ത ഇലക്ഷൻ സമയത്ത് വെറുപ്പിന്റെ കടയിൽ മെമ്പർഷിപ്പ് എടുക്കാൻ പോകരുത് എന്നും മുരളീധരൻ പറഞ്ഞു .സന്ദീപ് വാര്യർ കോൺഗ്രസിലെത്തിയത് നല്ലകാര്യമെന്നും കെ മുരളീധരൻ. രണ്ടാഴ്ച മുൻപ് സന്ദീപ് പാർട്ടിയിലേക്ക് വന്നിരുന്നുവെങ്കിൽ വയനാട്ടിൽ പ്രിയങ്ക ഗാന്ധിയുടെ പ്രചാരണത്തിന് പോകാമായിരുന്നു. കാരണം അത്രയേറെ അദ്ദേഹം രാഹുലിനെ വിമർശിച്ചയാളാണെന്ന് കെ മുരളീധരൻ പറഞ്ഞു.

രാഹുൽ ഗാന്ധി ഭാരത് ജോഡോ യാത്ര നടത്തിയപ്പോൾ സന്ദീപ് അന്ന് പറഞ്ഞത് കാശ്മീരിലേക്കല്ല ആന്ഡമാൻ നിക്കോബാറിലേക്കാണ് യാത്ര നടത്തേണ്ടതെന്നായിരുന്നു. അവിടെ സവർക്കറെ തടവിൽ പാർപ്പിച്ച മുറിയിൽ പോയി നമസ്കരിച്ച് ക്ഷമാപണം നടത്തണമെന്നായിരുന്നു അന്ന് അദ്ദേഹം പറഞ്ഞിരുന്നത്.അങ്ങിനെയുള്ള സന്ദീപ് വാര്യർ രണ്ടാഴ്ച മുൻപ് വയനാട്ടിൽ പ്രിയങ്ക ഗാന്ധിയ്ക്ക് വേണ്ടി പ്രചാരണം നടത്തിയിരുന്നുവെങ്കിൽ രാഹുൽ ഗാന്ധിയോട് ചെയ്ത തെറ്റിന് ക്ഷമാപണം ആകുമായിരുന്നു.

മറ്റ് പല പാർട്ടികളും നോക്കി നടക്കാതെ സന്ദീപ് ഇപ്പോൾ കോൺഗ്രസിലേക്ക് വന്നു, അത് നല്ല കാര്യമാണ്.സ്വാഗതം ചെയ്യുന്നു. ഈ സ്നേഹത്തിന്റെ കടയിലെ മെമ്പർഷിപ്പ് സന്ദീപ് എന്നും നിലനിർത്തണം, അല്ലാതെ അടുത്ത അസംബ്ലി ഇലക്ഷന്റെ സമയത്ത് വെറുപ്പിന്റെ കടയിൽ വീണ്ടും മെമ്പർഷിപ്പ് എടുക്കാൻ പോകരുത് മുരളിധരൻ വ്യക്തമാക്കി.