ശൈലജയുടെ മാത്രമല്ല, പി ജയരാജന്റെയും എം എം മണിയുടെയും ആത്മകഥയും പഠിപ്പിക്കണം; വ്യക്തി ആരാധനയും വ്യക്തി പൂജയും പാര്‍ട്ടി നയമാണോ? കെ സുരേന്ദ്രന്‍

കെ കെ ശൈലജയുടെ ആത്മകഥ പാഠ്യപദ്ധതിയില്‍ ഉള്‍പ്പെടുത്തിയതില്‍ പ്രതികരണവുമായി ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. ശൈലജയുടെ മാത്രമല്ല, പി ജയരാജന്റെയും എം എം മണിയുടെയും ആത്മകഥ കൂടി പഠിപ്പിക്കേണ്ടി വരുമെന്ന് കെ സുരേന്ദ്രന്‍ പറഞ്ഞു. വ്യക്തി ആരാധനയും വ്യക്തി പൂജയും പാര്‍ട്ടി നയമാണോയെന്ന് കെ സുരേന്ദ്രന്‍ ചോദിച്ചു. കെ കെ ശൈലജയുടെ മൈ ലൈഫ് ആസ് എ കോമ്രേഡ് എന്ന ആത്മകഥയാണ് സിലബസില്‍ ഉള്‍പ്പെട്ടിട്ടുള്ളത്.

ഇന്നലെയാണ് സിലബസ് പുറത്തിറങ്ങിയത്. 9 വര്‍ഷത്തിന് ശേഷമാണ് സിലബസ് പരിഷ്‌കരണം നടക്കുന്നത്. പി ജി ക്ലാസുകള്‍ ആരംഭിച്ച ശേഷമാണ് സിലബസ് പുറത്തുവരുന്നത്. ഓഗസ്റ്റ് 8-നാണ് പി ജി ക്ലാസുകള്‍ ആരംഭിച്ചത്.