മലയാളത്തിലെ പ്രമുഖ നടിയെ തട്ടിക്കൊണ്ടുപോയി ആക്രമിച്ച സംഭവവും കലാഭവന്‍ മണിയുടെ മരണവും തമ്മില്‍ എന്തെങ്കിലും തരത്തില്‍ ബന്ധപ്പെട്ടിരിക്കുന്നുണ്ടോ? നടി ആക്രമിക്കപ്പെട്ട കേസ് അന്വേഷണം അന്തിമ ഘട്ടത്തിലെത്തി നില്‍ക്കുകയാണ്. കുറ്റപത്രം ഉടന്‍ സമര്‍പ്പിക്കുമെന്നറിയുന്നു. അതിനിടെ കലാഭവന്‍ മണിയുടെ മരണത്തില്‍ സിബിഐ അന്വേഷണം പുരോഗമിക്കുകയാണ്. മണിയുടെ മരണം അന്വേഷിക്കുന്ന സിബിഐ സംഘം നടി ആക്രമിക്കപ്പെട്ട കേസുമായി ബന്ധപ്പെട്ട വിവരങ്ങള്‍ ശേഖരിക്കുന്നുണ്ട് എന്നാണ് റിപ്പോര്‍ട്ട്. ഇക്കാര്യത്തില്‍ ഔദ്യോഗിക സ്ഥിരീകരണം വന്നിട്ടില്ല. ഇത് സംബന്ധിച്ച് സംവിധായകന്‍ ബൈജു കൊട്ടാരക്കര ചില വിവരങ്ങള്‍ സിബിഐ സംഘത്തിന് കൈമാറി. നിര്‍ണായക തെളിവുകളും ബൈജു കൊട്ടാരക്കര കൈമാറി എന്നാണ് പുറത്തുവരുന്ന വാര്‍ത്തകള്‍. നടി ആക്രമിക്കപ്പെട്ട കേസില്‍ ദിലീപിന്റെ അറസ്റ്റിന് പിന്നാലെ മണിയുടെ മരണം സംബന്ധിച്ച് ഒരു ഫോണ്‍ കോള്‍ ബൈജു കൊട്ടാരക്കരയ്ക്ക് വന്നിരുന്നുവത്രേ. മരണത്തിന് പിന്നിലെ വസ്തുതകള്‍ അറിയാമെന്നായിരുന്നു ആ ഫോണ്‍ കോള്‍. കോഴിക്കോട് നിന്നും ഒരു സ്ത്രീയാണത്രേ ബൈജു കൊട്ടാരക്കരയെ വിളിച്ചത്. ഈ സ്ത്രീയുടെ ഫോണ്‍ സംഭാഷണം അടക്കം ബൈജു കൊച്ചിയിലെ സിബിഐ ഓഫീസില്‍ എത്തി കൈമാറിയെന്നും പറയുന്നു.
Top