ജയലളിതയോടുള്ള ആദരസൂചകമായി കേരളത്തില്‍ അവധി പ്രഖ്യാപിച്ചു

ജയലളിതയോടുള്ള ആദരസൂചകമായി സംസ്ഥാന സര്‍ക്കാര്‍ ഇന്ന് കേരളത്തില്‍ അവധി പ്രഖ്യാപിച്ചു. സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും ഇന്ന് അവധിയായിരിക്കും. പ്രഫഷണല്‍ കോളജ് ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്കാണ് അവധി ബാധകമാകുക.

എം.ജി.യൂണിവേഴ്‌സിറ്റി ഇന്നു നടത്താനിരുന്ന എല്ലാ പരീക്ഷകളും മാറ്റി. കൊച്ചി, ആരോഗ്യ, കാലിക്കറ്റ്, കണ്ണൂര്‍, കേരള, കുസാറ്റ് സര്‍വകലാശാലകള്‍ പരീക്ഷകള്‍ മാറ്റി. പുതുക്കിയ തിയതി പിന്നീട് അറിയിക്കും. സംസ്ഥാന സ്‌കൂള്‍ കായികമേളയുടെ സമാപന സമ്മേളനത്തോടനുബന്ധിച്ചുള്ള ആഘോഷപരിപാടികളും റദ്ദാക്കിയിട്ടുണ്ട്. കേന്ദ്രീയവിദ്യാലയങ്ങള്‍ക്കും അവധി ബാധകം . സബ് ജില്ലാ സ്‌കൂള്‍ കലോല്‍സവങ്ങള്‍ മാറ്റിവച്ചതായി ഡിപിഐ അറിയിച്ചു.