തൃശൂര്‍: നടിയെ അക്രമിച്ചതിന് പിന്നില്‍ മറ്റൊരു നടിയെന്ന് അക്രമത്തിനിരയായ നടിയുടെ ബന്ധുക്കള്‍.നടിയെ ആക്രമിച്ചതിനു പിന്നില്‍ സൂപ്പര്‍ സ്റ്റാറിന് ബന്ധമില്ലെന്നും എന്നാല്‍ ഒരു നടിയെ സംശയമുണ്ടെന്നും ബന്ധുക്കള്‍ പറഞ്ഞതായി രാഷ്ട്രീജദീപിക റിപ്പോര്‍ട്ട് ചെയ്യുന്നു.
നടിയുടെ നേരേ ആക്രമണം ഉണ്ടായതുമായി ബന്ധപ്പെട്ടു സോഷ്യല്‍ മീഡിയകളില്‍ പ്രചരിക്കുന്ന കാര്യങ്ങള്‍ പലതും ശരിയല്ലെന്നു നടിയുടെ കുടുംബം. വാസ്തവമില്ലാത്ത പല കാര്യങ്ങളുമാണ് സോഷ്യല്‍ മീഡിയയിലൂടെയും മറ്റും പലരും പ്രചരിപ്പിച്ചുകൊണ്ടിരിക്കുന്നത്. കേസില്‍ ശക്തമായിത്തന്നെ മുന്നോട്ടുപോകും.
കേസ് പിന്‍വലിക്കുമെന്ന പ്രചാരണം ശരിയല്ല. നടിക്കു നേരെ ആക്രമണമുണ്ടായശേഷം ആദ്യമായാണ് വീട്ടുകാര്‍ ഒരു മാധ്യമത്തിന് അഭിമുഖം നല്കുന്നത്. ബന്ധുക്കളുടെ വാക്കുകളില്‍ നിന്ന്- ചെമ്പുക്കാവിലെ ശിവന്‍ എന്നൊരാളാണു നേരത്തെ വാഹനം ഓടിച്ചിരുന്നത്. അടുത്തയിടെയാണ് മാറിയത്. ശിവന്റെ അഭാവത്തിലാണു പുതിയ ്രൈഡവറെ കണ്ടെത്തേണ്ടിവന്നത്. സൂപ്പര്‍ സ്റ്റാറിന് പങ്കില്ലെന്നും എന്നാല്‍ ഒരു നടിക്ക് ഇതില്‍ പങ്കുണ്ടോയെന്നു സംശയിക്കുന്നതായും സൂചിപ്പിച്ചു.
എന്നാല്‍, നടിയുടെ പേരു വെളിപ്പെടുത്താന്‍ കുടുംബാംഗങ്ങള്‍ തയാറായില്ല. കൂടുതല്‍ വിവരങ്ങള്‍ അന്വേഷണത്തില്‍ പുറത്തുവരുമെന്ന പ്രതീക്ഷയിലാണ് തങ്ങളെന്നും അവര്‍ പറഞ്ഞു. നടിക്കു നേരേയുണ്ടായ ആക്രമണവുമായി ബന്ധപ്പെട്ടു സോഷ്യല്‍ മീഡിയയിലും ചില ഓണ്‍ലൈന്‍ മാധ്യമങ്ങളിലും ചില നടന്‍മാരെയും മറ്റും ലക്ഷ്യമിട്ടുള്ളവാര്‍ത്തകള്‍ പ്രചരിച്ചതിനെതിരേയാണ് നടിയുടെ കുടുംബം ഇപ്പോള്‍ രംഗത്തുവന്നത്
Top