പ്രധാനമന്ത്രി ഭീഷണിപ്പെടുത്തുന്നു; മോദിക്കെതിരെ രാഷ്ട്രപതിക്ക് പരാതിയുമായി മന്‍മോഹന്‍സിംഗ്

സ്വകാര്യപൊതു ചടങ്ങുകളില്‍ സഭ്യമായ ഭാഷയിലാണ് രാജ്യത്തെ പ്രധാനമന്ത്രിമാര്‍ സംസാരിക്കുക. എന്നാല്‍, ഇതില്‍ നിന്ന് വിഭിന്നമായി പ്രതിപക്ഷത്തെ ഭീഷണിപ്പെടുത്തുന്ന മോശം വാക്കുകളാണ് മോദിയില്‍ നിന്ന് ഉണ്ടാവുന്നതെന്ന് പ്രതിപക്ഷം കത്തില്‍ ആരോപിക്കുന്നു. കര്‍ണാടക തെരഞ്ഞെടുപ്പ് പ്രചാരണത്തിനിടെ ഹൂബ്ലിയില്‍ മോദി നടത്തി പ്രസംഗത്തിന്റെ വീഡിയോ ലിങ്ക് ഉള്‍പ്പടെ പ്രതിപക്ഷം കത്തില്‍ നല്‍കിയിട്ടുണ്ട്.കര്‍ണാടക തെരഞ്ഞെടുപ്പിന് പ്രചാരണത്തിനിടെയും അതിനും മുമ്പും മോദി രൂക്ഷമായ ഭാഷയില്‍ പ്രതിപക്ഷത്തെ വിമര്‍ശിച്ചിരുന്നു. ഇക്കാര്യം ചൂണ്ടിക്കാട്ടിയാണ് രാഷ്ട്രപതിക്ക് പ്രതിപക്ഷം കത്ത് നല്‍കിയിരിക്കുന്നത്.