ദാവീദിന് കുഞ്ഞനിയത്തി പിറന്നു; ഫെയ്‌സ്ബുക്കില്‍ സന്തോഷം പങ്കുവെച്ച് നിവിൻ പോളി

മലയാളത്തിന്റെ യുവതാരം നിവിൻ പോളിക്കും ഭാര്യ റിന്നാക്കും പെൺകുഞ്ഞ് പിറന്നു. ഇരുവരുടെയും രണ്ടാമത്തെ കുട്ടിയാണ്. നിവിന്‍ തന്നെയാണ് ഈ സന്തോഷവാര്‍ത്ത ഫെയ്‌സ്ബുക്കിലൂടെ ആരാധകരെ അറിയിച്ചത്. ‘ഇറ്റ്‌സ് എ ഗേള്‍’ എന്നെഴുതിയൊരു ചിത്രമാണ് നിവിന്‍ പോസ്റ്റ് ചെയ്തത്.

2010 ആഗസ്റ്റ് 28 നാണ് റിന്നയും നിവിനും വിവാഹിതരാകുന്നത്. ഫിസാറ്റില്‍ എന്‍ജിനിയറിങിന് ഒരുമിച്ച് പഠിക്കുമ്പോള്‍ തുടങ്ങിയ പ്രണയം വിവാഹത്തിലെത്തുകയായിരുന്നു.

2012 ലാണ് നിവിനും റിന്നയ്ക്കും ദാവീദ് പിറക്കുന്നത്. ദാവീദിനിപ്പോള്‍ അഞ്ചുവയസ്സ് പ്രായമുണ്ട്.