വളരെ ചുരുങ്ങിയ കാലം കൊണ്ട് ആരാധകരുടെ ജനപ്രീതിയാർജിച്ച താരമാണ് നിവിൻ പോളി.താരത്തിന്റെ അടുത്തിടെ ഇറങ്ങിയ എല്ലാ ചിത്രങ്ങളും വൻഹിറ്റുകളായിരുന്നു. ഇപ്പോള്‍ പ്രതിഫലത്തിന്റെ കാര്യത്തില്‍ നിവിന് മമ്മൂക്കയെയും ലാലേട്ടേനെയും കൂടി കടത്തിവെട്ടിയിരിക്കുന്നു. റിച്ചി എന്ന തമിഴ് പടത്തിലാണ് താരം ഏറ്റവും ഉയര്‍ന്ന പ്രതിഫലം വാങ്ങിയിരിക്കുന്നത്. ആറുകോടി രൂപയാണ് താരത്തിന്റെ പ്രതിഫലം.
മോഹന്‍ലാലായിരുന്നു ഏറ്റവും കൂടുതല്‍ പ്രതിഫലം വാങ്ങിയിരുന്നത്. തെലുങ്കില്‍ ജനതാഗാരേജില്‍ അഞ്ച് കോടി രൂപ വരെ ലാലേട്ടന്‍ സ്വന്തമാക്കിയിട്ടുണ്ട്. നിവിന് റിച്ചിയിലൂടെ ആറുകോടി പ്രതിഫലം നേടി ലാലേട്ടനെ കടത്തിവെട്ടിയിരിക്കുന്നു. മലയാളത്തില്‍ നിവിന് ഒരു കോടി രൂപവരെയാണ് പ്രതിഫലം. മലയാളത്തില്‍ പ്രതിഫലത്തിന്റെ കാര്യത്തില്‍ മമ്മൂക്ക, ലാലേട്ടന്‍, പൃഥ്വിരാജ് എന്നിവര്‍ക്ക് ശേഷമാണ് നിവിന്റെ സ്ഥാനം.
ദ ഗ്രേറ്റ് ഫാദര്‍ വന്‍ വിജയമായതോടെ മമ്മൂക്കയും പ്രതിഫലം കൂട്ടിയെന്നാണ് വാര്‍ത്തകള്‍. രണ്ട് മുതല്‍ രണ്ടരകോടി വരെയായിരുന്നു മലയാളത്തില്‍ മമ്മൂക്കയുടെ പ്രതിഫലം. ഇപ്പോള്‍ അഞ്ച് കോടിയാണ് മമ്മൂക്ക ആവശ്യപ്പെടുന്നത്. മഹാഭാരതം എത്തുന്നതോടെ ലാലേട്ടന്റെയും പ്രതിഫലം വര്‍ധിക്കും. ഈ ചിത്രത്തില്‍ 60 കോടിയാണത്രെ ലാലേട്ടന്റെ പ്രതിഫലം.
Top