ബാങ്ക് ഹോളിഡേയിൽ റോഡ് തകരാർ: ഡബ്ലിനിൽ റോഡ് ഗതാഗതത്തെ ബാധിക്കുമെന്നു മുന്നറിയിപ്പ്

സ്വന്തം ലേഖകൻ

ഡബ്ലിൻ: ബാങ്ക് ഹോളിഡേ വീക്കെൻഡിൽ റോഡ് തകരാറിനെ തുടർന്നു അറ്റകുറ്റപണികൾക്കായി അടച്ചതിനെ തുടർന്നു റോഡ് വഴി തിരിച്ചു വിടുമെന്ന മുന്നറിയിപ്പുമായി അധികൃതർ. ഡബ്ലിനിലെ ക്വയിസ് ഓ കോണൽ പാലത്തിൽ വിള്ളൽ വീണതോടെയാണ് ലൂക്കാസ് – ഡബ്ലിൻ റോഡിലെ ഗതാഗതം തടസപ്പെട്ടത്. ഇതോടൊപ്പം കോർക്ക് പാർക്കിലും, അവൈവ പാർക്കിലും വിവിധ പരിപാടികൾ നടക്കുന്നതും ഗതാഗതത്തെ ബാധിക്കും.
ക്വയിയിലെ ഓ കോണൽ ബ്രിഡ്ജിന്റെ ഇരുവശങ്ങളും ഇപ്പോൾ തന്നെ അധികൃതർ അടച്ചു പൂട്ടിയിരിക്കുകയാണ്. നോർത്ത് സൗത്ത് ആക്‌സസ് ഉള്ള പാലത്തിന്റെ വിവിധ സ്ഥലങ്ങളിൽ കാർ പാർക്കിങ് സ്ഥലങ്ങളും ഇത്തരത്തിൽ ബ്ലോക്ക് ചെയ്തിട്ടുണ്ട്.