കൊച്ചി: കെ ബാബുവിന്റെ ബിനാമിയെന്ന് ആരോപിക്കുന്ന ബാബുറാം അഞ്ച് വര്‍ഷത്തിനിടെ കോടികളുടെ ഇടപാടുകള്‍ നടത്തിയെന്ന് വിജിലന്‍സ്. ഈ ഇടപാടില്‍ ബാബുവിന് എന്തെങ്കിലും ബന്ധമുണ്ടോയെന്നാണ് വിജിലന്‍സ് അന്വേഷിക്കുന്നത്. ഇതോടെ കെ ബാബുവിന്റെ എല്ലാ കള്ളത്തരവും പുറത്തുവരും.
റിയല്‍ എസ്റ്റേറ്റ് ബിസിനസ്സിലെ പ്രധാന കണ്ണി ബാബുറാമിനെ അറിയില്ലെന്ന് പറഞ്ഞ കെ ബാബുവിന് ഇവരുമായി ബന്ധമുണ്ടെന്നാണ് പറയുന്നത്. അതിനിടയിലാണ് ബാബുറാമിന്റെ സ്വത്ത് വിവരങ്ങള്‍ പുറത്തുവന്നത്.
ബാബുറാമിന് 41 ഇടങ്ങളില്‍ ഭൂമിയുണ്ടെന്നാണ് കണ്ടെത്തിയിരിക്കുന്നത്. ബാബുറാം 27 വസ്തു ഇടപാടുകള്‍ നടത്തിയതായി വിജിലന്‍സ് കണ്ടെത്തി. അഞ്ചുവര്‍ഷത്തിനിടെയാണ് കോടികളുടെ ഇടപാടുകള്‍ നടത്തിയതെന്ന് വിജിലന്‍സ് വ്യക്തമാക്കുന്നു. ഇതുസംബന്ധിച്ച രേഖകള്‍ ബാബുറാമിന്റെ പക്കല്‍നിന്ന് വിജിലന്‍സ് കണ്ടെത്തിയിട്ടുണ്ട്.
ബാബുവിന്റെ പഴ്‌സനല്‍ സ്റ്റാഫ് അംഗമായിരുന്ന നന്ദകുമാറിനെയും വിജിലന്‍സ് ചോദ്യം ചെയ്യുന്നുണ്ട്. കൊച്ചി വിജിലന്‍സ് ഓഫിസില്‍വെച്ചാണ് ചോദ്യം ചെയ്യുന്നത്.
തൃപ്പൂണിത്തുറയില്‍ നന്ദകുമാറിന്റെ പേരില്‍ സ്വകാര്യ പണമിടപാട് സ്ഥാപനം നടക്കുന്നുണ്ട്. ഇതിന്റെ വിവരങ്ങളും വിജിലന്‍സ് അന്വേഷിക്കുന്നുണ്ട്.
Top