ഒ​സി​ഐ കാ​ർ​ഡു​ള്ള വിദേശ ഇന്ത്യക്കാർക്ക് സന്തോഷവാർത്ത!നിബന്ധനകളോടെ ഇ​ന്ത്യ​യി​ലേ​ക്കു​ള്ള യാ​ത്രക്ക് അനുമതി.

ന്യൂ​ഡ​ൽ​ഹി: വിദേശ പൗരത്വം എടുത്ത പ്രവാസ ഇന്ത്യക്കാർക്ക് സന്തോഷ വാർത്ത !നാട്ടിലേക്ക് പോകാൻ കേന്ദ്ര സർക്കാരിന്റെ പച്ചക്കൊടി.​ഒ​സി​ഐ ( ഓ​വ​ർ​സീ​സ് സി​റ്റി​സ​ൺ ഓ​ഫ് ഇ​ന്ത്യ) കാ​ർ​ഡു​ള്ള​വ​രി​ൽ ചി​ല വി​ഭാ​ഗ​ങ്ങ​ൾ​ക്ക് ഇ​ന്ത്യ​യി​ലേ​ക്ക് യാ​ത്ര ചെ​യ്യു​ന്ന​തി​ന് ഇ​ള​വ്.ഇ​ന്ത്യ​ൻ പൗ​ര​ന്മാ​രു​ടെ വി​ദേ​ശ​ത്ത് പി​റ​ന്ന, ഒ​സി​ഐ കാ​ർ​ഡു​ള്ള കു​ട്ടി​ക​ൾ​ക്ക് രാ​ജ്യ​ത്തേ​ക്ക് തി​രി​കെ വ​രാ​ൻ കേ​ന്ദ്ര വി​ദേ​ശ​കാ​ര്യ​മ​ന്ത്രാ​ല​യം അ​നു​മ​തി ന​ൽ​കി. മ​ര​ണാ​ന്ത​ര ച​ട​ങ്ങു​ക​ൾ പോ​ലു​ള്ള അ​ടി​യ​ന്ത​ര ആ​വ​ശ്യ​ങ്ങ​ളു​ണ്ടെ​ങ്കി​ലും ഒ​സി​ഐ കാ​ർ​ഡു​ള്ള​വ​രെ തി​രി​കെ വ​രാ​ൻ അ​നു​വ​ദി​ക്കും.

ദ​മ്പ​തി​ക​ളി​ൽ ഒ​രാ​ൾ​ക്ക് ഒ​സി​ഐ കാ​ർ‌​ഡും മ​റ്റൊ​രാ​ൾ​ക്ക് ഇ​ന്ത്യ​ൻ പൗ​ര​ത്വ​വും രാ​ജ്യ​ത്ത് വീ​ടും ഉ​ണ്ടെ​ങ്കി​ൽ തി​രി​കെ വ​രാം. യൂ​ണി​വേ​ഴ്സി​റ്റി വി​ദ്യാ​ർ​ഥി​ക​ളു​ടെ മാ​താ​പി​താ​ക്ക​ൾ ഇ​ന്ത്യ​യി​ൽ താ​മ​സി​ക്കു​ന്ന ഇ​ന്ത്യ​ൻ പൗ​ര​ൻ​മാ​രാ​ണെ​ങ്കി​ൽ അ​വ​ർ​ക്കും രാ​ജ്യ​ത്തേ​ക്ക് മ​ട​ങ്ങി​വ​രാ​മെ​ന്നും കേ​ന്ദ്ര​വി​ദേ​ശ​കാ​ര്യ​മ​ന്ത്രാ​ല​യം പു​റ​ത്തി​റ​ക്കി​യ വാ​ർ​ത്താ​ക്കു​റി​പ്പി​ൽ പ​റ​യു​ന്നു.

വ​ന്ദേ​ഭാ​ര​ത് ദൗ​ത്യ​ത്തി​ന്‍റെ ര​ണ്ടാം ഘ​ട്ടം പു​രോ​ഗ​മി​ക്കു​മ്പോ​ഴാ​ണ് ഈ ​പ്ര​ഖ്യാ​പ​നം വ​രു​ന്ന​ത്. ജൂ​ൺ 13 വ​രെ 47 രാ​ജ്യ​ങ്ങ​ളി​ൽ നി​ന്നു​ള്ള ഇ​ന്ത്യ​ക്കാ​രെ​യാ​ണ് കൊ​ണ്ടു​വ​രി​ക. ഇ​സ്‌​താം​ബൂ​ൾ, ഹോ​ച്ചി​മി​ൻ സി​റ്റി, ലാ​ഗോ​സ് തു​ട​ങ്ങി​യ സ്ഥ​ല​ങ്ങ​ളെ​യും ഉ​ൾ​പ്പെ​ടു​ത്തു​മെ​ന്നും നേ​ര​ത്തെ വി​ദേ​ശ​കാ​ര്യ വ​ക്താ​വ് അ​രു​രാ​ഗ് ശ്രി​വാ​സ്ത​വ അ​റി​യി​ച്ചി​രു​ന്നു. 98 രാ​ജ്യ​ങ്ങ​ളി​ൽ ക​ഴി​യു​ന്ന 2,59,001 ഇ​ന്ത്യ​ക്കാ​രാ​ണ് നാ​ട്ടി​ലേ​ക്ക് വ​രാ​ൻ ര​ജി​സ്‌​റ്റ​ർ ചെ​യ്‌​തു കാ​ത്തി​രി​ക്കു​ന്ന​ത്.