കണ്ണൂരിൽ പണി പൂർത്തിയാകാത്ത വീട്ടിൽ 49കാരനെ വെടിവെച്ചു കൊന്നു…കരാറുകാരൻ കസ്റ്റഡിയിൽ

കണ്ണൂർ: കണ്ണൂർ മാതമംഗലം കൈതപ്രത്ത് 49 കാരൻ വെടിയേറ്റ് കൊല്ലപ്പെട്ട നിലയിൽ. രാധാകൃഷ്ണനാണ് കൊല്ലപ്പെട്ടത്. ഇന്നലെ വൈകിട്ട് 6.30 ഓടെയാണ് സംഭവം നടന്നത്.സംഭവത്തിൽ, പെരുമ്പടവ് സ്വദേശി സന്തോഷിനെ പൊലീസ് കസ്റ്റഡിയിലെടുത്തു.

വ്യാഴാഴ്ച വൈകിട്ട് 7നായിരുന്നു സംഭവം. നെഞ്ചിലാണു രാധാകൃഷ്ണനു വെടിയേറ്റത്. ഗുഡ്സ് ഓട്ടോ ഡ്രൈവറാണു മരിച്ച രാധാകൃഷ്ണൻ. നിർമാണ കരാറുകാരനായ സന്തോഷിനു തോക്ക് ലൈസൻസ് ഉണ്ടെന്നാണു വിവരം. വീടുനിർമാണ കരാറിനെച്ചൊല്ലിയുള്ള തർക്കത്തെ തുടർന്നാണു കൊലപാതകമെന്നാണു പ്രാഥമിക നിഗമനം.