പത്തനംതിട്ടയിൽ ആർഎസ്എസ്-ഡിവൈഎഫ്ഐ സംഘർഷം; ഇന്ന് ഹര്‍ത്താല്‍

പത്തനംതിട്ട: ജില്ലയിൽ ബിജെപി ആഹ്ഹവാനം ചെയ്ർത ഹര്‍ത്താല്‍ തുടങ്ങി. രാവിലെ ആറ് മുതൽ വൈകീട്ട് ആറ് വരെയാണ് ഹർത്താൽ. പത്തനംതിട്ട നഗരത്തിൽ ഞായറാഴ്ച രാത്രിയുണ്ടായ ആർഎസ്എസ്-ഡിവൈഎഫ്ഐ സംഘർഷത്തെ തുടർന്ന് ആർഎസ്എസ് പ്രവർത്തകരെ പോലീസ് മർദ്ദിച്ചതിൽ പ്രതിഷേധിച്ചാണ് ബിജെപി-സംഘപരിവാർ സംഘടനകൾ ഹർത്താലിന് ആഹ്വാനം ചെയ്തത്.

ഞായറാഴ്ച അർദ്ധരാത്രിയോടെയാണ് ബിജെപി ഹർത്താലിന് ആഹ്വാനം ചെയ്തത്. പത്തനംതിട്ട വെട്ടിപ്രത്ത് ആർഎസ്എസ് നടത്തിയ ഗുരുദക്ഷിണ പരിപാടിക്കിടെയാണ് സംഘർഷമുണ്ടായത്. ഗുരുദക്ഷിണ പരിപാടി നടക്കുന്നതിനിടെ ആർഎസ്എസ് പ്രവർത്തകരും ഡിവൈഎഫ്ഐ പ്രവർത്തകരും ഏറ്റുമുട്ടി.