ഇരു തട്ടുകളിലായി സ്വര്‍ണ്ണ കള്ളക്കടത്ത് കേസ്; സ്വപ്നയും സരിത്തും ഒന്നിച്ചു നീങ്ങുന്നു, സ്വാപ്ന മാപ്പ് സാക്ഷിയാകും

നയതന്ത്ര സ്വര്‍ണക്കടത്തിലെ കള്ളപ്പണയിടപാടു കേസില്‍ സ്വപ്ന സുരേഷിനെ എന്‍ഫോഴ്സ്മന്റ് ഡയറക്ടറേറ്റ് മാപ്പുസാക്ഷിയാക്കും. ഇക്കാര്യം അന്വേഷണ ഉദ്യോഗസ്ഥന്‍ ഡല്‍ഹിയിലെ ഇ.ഡി ഡയറക്ടറേറ്റിനെ അറിയിച്ചിട്ടുണ്ട്. പ്രതിയെ മാപ്പുസാക്ഷിയാക്കാന്‍ അന്വേഷണ ഉദ്യോഗസ്ഥനു നിയമപരമായ അധികാരമുണ്ടെങ്കിലും ശ്രദ്ധേയമായ കേസായതിനാലാണു ഡയറക്ടറേറ്റിനെ അറിയിച്ചിരിക്കുന്നത്. ഡയറക്ടറേറ്റിന്റെ മറുപടിയെത്തിയശേഷം തുടര്‍നടപടി സ്വീകരിക്കും. മാപ്പുസാക്ഷിയാകാന്‍ സ്വപ്ന സമ്മതമറിയിച്ചിട്ടുണ്ട്. കൂട്ടുപ്രതി പി.എസ് സരിത്തും ഇ.ഡിയുമായി സഹകരിക്കുമെന്നാണ് നിലവിലെ സൂചന. സ്വര്‍ണക്കടത്ത്, ലൈഫ് മിഷന്‍, ഡോളര്‍കടത്തു കേസുകളില്‍ സ്വപ്നയും സരിത്തും ഒന്നിച്ചു നീങ്ങുമ്പോള്‍ മറ്റെല്ലാ പ്രതികളും മറ്റൊരു സംഘമായാണു നീങ്ങുന്നത്.

വീഡിയോ വാര്‍ത്ത.