കേരളത്തിൽ മദ്യപിക്കാനുള്ള പ്രായപരിധി കൂട്ടി

മദ്യപിക്കാനുള്ള പ്രായ പരിധി സംസ്ഥാന സർക്കാർ കൂട്ടി. നിലവിൽ 21 വയസാണ് മദ്യപിക്കാനുള്ള പ്രായ പരിധി. 21ൽ നിന്ന് 23 ലേക്ക് ഉയർത്തി സംസ്ഥാന സർക്കാർ തീരുമാനമായി. തിങ്കളാഴ്ചയാണ് അബ്കാരി ആക്ടിൽ ഇതിന് ആവശ്യമായ മാറ്റങ്ങൾ വരുത്താൻ സർക്കാർ അനുമതി നൽകിയത്.

വിനോദസഞ്ചാര മേഖലയെ സഹായിക്കുന്നതിന് വിദ്യാഭ്യാസ സ്ഥാപനങ്ങളിൽ നിന്നും ആരാധനാലയങ്ങളിൽ നിന്നും ഫൈവ് സ്റ്റാർ ബാറുകളുടെ ദൂരപരിധി കുറയ്ക്കാനും തീരുമാനിച്ചതായി കടകംപള്ളി സുരേന്ദ്രൻ അറിയിച്ചു. നിലവിൽ വിദ്യഭ്യാസ സ്ഥാപനം, ആരാധനാലയം ഇവയിൽ നിന്നുള്ള ദൂരം 200 മീറ്ററാണ്.