മരട് ഫ്ലാറ്റ്പൊളിക്കാൻ മേൽനോട്ടത്തിന് ഒൻപതംഗ സംഘം. ജ​ന​റേ​റ്റ​റു​ക​ളും വാ​ട്ട​ർ കാ​നു​ക​ളും ശേ​ഖ​രി​ച്ചുകൊണ്ട് മ​യ​മി​ല്ലാ​തെ ഫ്ളാ​റ്റ് ഉ​ട​മ​ക​ൾ

കൊച്ചി : മരടിലെ ഫ്ലാറ്റുകൾ പൊളിക്കാനുള്ള മേൽനോട്ടത്തിന് ഒൻപതംഗ സംഘത്തെ രൂപീകരിച്ചു. എന്നാൽ മരടിലെ ഒഴിപ്പിക്കല്‍ നടപടികളുമായി സര്‍ക്കാര്‍ മുന്നോട്ട് പോകുന്നത് മനുഷ്യത്വ വിരുദ്ധമെന്ന് ഫ്ലാറ്റുടമകൾ ആരോപിച്ചു .സുപ്രീംകോടതി വിധി വരാനിരിക്കെ എന്തിനാണ് തിടുക്കമെന്നാണ് ഉടമകളുടെ ചോദ്യം.ഫ്‌ലാറ്റ് പൊളിക്കാൻ നിയോഗിച്ച എൻജിനീയർമാരായ ഇവരുമായി നാളെ സബ് കലക്ടർ ചർച്ച നടത്തും. ഫ്ലാറ്റ് പൊളിക്കാൻ താൽപര്യപ്പെട്ട 15 കമ്പനികളുമായുള്ള ചർച്ചയും നാളെയാണ്. മരട് ഫ്ലാറ്റ് നിര്‍മാതാക്കള്‍ക്കെതിരായ അന്വേഷണം ക്രൈംബ്രാഞ്ചിനു കൈമാറി. ക്രൈംബ്രാഞ്ച് ഡിവൈഎസ്പി ജോസി ചെറിയാനാണ് അന്വേഷണ ചുമതല. മരട്, പനങ്ങാട് പൊലീസ് സ്റ്റേഷനുകളിലാണ് ഫ്ലാറ്റ് ഉടമകള്‍ക്കെതിരെ കേസ് റജിസ്റ്റര്‍ ചെയ്തിരിക്കുന്നത്. ഇന്ത്യന്‍ ശിക്ഷാനിയമത്തിലെ 406, 420 വകുപ്പുകള്‍ അനുസരിച്ചാണ് പ്രതികള്‍ക്കെതിരെ കേസെടുത്തിരിക്കുന്നത്.

ഏഴു വര്‍ഷം വരെ തടവ് ലഭിക്കാവുന്ന വകുപ്പുകളാണിത്. മരടിലെ നാല് ഫ്ലാറ്റുകളും പൊളിക്കാൻ ഇതുവരെ എന്തു ചെയ്‌തെന്നും ഇനി എന്താണ് ചെയ്യാൻ പോകുന്നതെന്നും സർക്കാർ നാളെ സുപ്രീം കോടതിയിൽ ബോധിപ്പിക്കണം. സുപ്രീം കോടതിയുടെ വിശദവിധി നാളെ വരാനിരിക്കെ മരടിലെ ഫ്ലാറ്റുകൾ പൊളിക്കുന്ന നടപടി സർക്കാർ ഊർജിതമാക്കി.നാലു ഫ്ലാറ്റുകളിലെയും ജല, വൈദ്യുതി കണക്ഷനുകൾ വിച്ഛേദിച്ചു. പുലർച്ചെ അഞ്ചുമണിക്ക് വൻ പൊലീസ് സന്നാഹത്തിൽ കെഎസ്ഇബി ഉദ്യോഗസ്ഥർ എത്തി ഫ്ളാറ്റുകളിലേക്കുള്ള വൈദ്യുതി കണക്ഷനുകൾ വിച്ഛേദിക്കുകയായിരുന്നു. പാചകവാതക വിതരണവും ടെലിഫോൺ ബന്ധവും നാളെ മുതൽ നിർത്തലാക്കും.

അതേസമയം മ​ര​ടി​ലെ ഫ്ളാ​റ്റു​ക​ളി​ലെ വൈ​ദ്യു​തി ബ​ന്ധ​വും വെ​ള്ള​വും വി​ച്ഛേ​ദി​ച്ചി​ട്ടും ഒ​ഴി​യാ​ൻ ത​യാ​റ​ല്ലെ​ന്നു വ്യ​ക്ത​മാ​ക്കി ഫ്ളാ​റ്റ് ഉ​ട​മ​ക​ൾ. ഡീ​സ​ൽ ജ​ന​റേ​റ്റ​റു​ക​ളും വ​ലി​യ കാ​നു​ക​ളി​ലും മ​റ്റും കു​ടി​വെ​ള്ള​വും എ​ത്തി​ച്ചാ​ണു ഫ്ളാ​റ്റ് ഉ​ട​മ​ക​ൾ പ്ര​തി​ഷേ​ധം തു​ട​രാ​ൻ തീ​രു​മാ​നി​ച്ചി​രി​ക്കു​ന്ന​ത്.തീ​ര​നി​യ​മ ലം​ഘ​ന​ത്തി​ന്‍റെ പേ​രി​ൽ പൊ​ളി​ച്ചു​നീ​ക്കാ​ൻ സു​പ്രീം​കോ​ട​തി ഉ​ത്ത​ര​വി​ട്ട മ​ര​ടി​ലെ ഫ്ളാ​റ്റു​ക​ളി​ലെ കു​ടി​വെ​ള്ള വി​ത​ര​ണ​വും വൈ​ദ്യു​തി​ബ​ന്ധ​വും വി​ച്ഛേ​ദി​ച്ചി​രു​ന്നു. മൂ​ന്നു ഫ്ളാ​റ്റു​ക​ളി​ലെ കു​ടി​വെ​ള്ള വി​ത​ര​ണ​മാ​ണു നി​ർ​ത്തി​യ​ത്. വ്യാ​ഴാ​ഴ്ച പു​ല​ർ​ച്ചെ നാ​ലു ഫ്ളാ​റ്റു​ക​ളി​ലെ​യും വൈ​ദ്യു​തി​ബ​ന്ധം കെഎ​സ്ഇ​ബി വി​ച്ഛേ​ദി​ച്ചു. ഫ്ളാ​റ്റി​നു മു​ന്നി​ൽ ഉ​ട​മ​ക​ൾ പ്ര​തി​ഷേ​ധം തു​ട​രു​ക​യാ​ണ്. സ്ഥ​ല​ത്തു വ​ൻ പോ​ലീ​സ് സ​ന്നാ​ഹ​വും നി​ല​യു​റ​പ്പി​ച്ചി​ട്ടു​ണ്ട്. ജ​ല​വി​ത​ര​ണം വി​ച്ഛേ​ദി​ക്കാ​ൻ വാ​ട്ട​ർ അ​ഥോ​റി​റ്റി​ക്കു മ​ര​ട് ന​ഗ​ര​സ​ഭ നേ​ര​ത്തെ ക​ത്തു ന​ൽ​കി​യി​രു​ന്നു.