തൃശൂർ: ടോൾ ചോദിച്ചതിൽ ക്ഷുഭിതനായ പി.സി.ജോർജ് എം.എൽ.എയും സംഘവും പാലിയേക്കര ടോൾ പ്ളാസയിൽ അതിക്രമം കാണിച്ചു. ടോൾ പ്ളാസയിലെ ടോൾ ബാരിയറും ഇവർ തകർത്തു. ടോൾ അധികൃതരുടെ പരാതിയെ തുടർന്ന് പൊലീസ് കേസെടുത്തു. ഇന്നലെ രാത്രി 11.30ഓടെയായിരുന്നു സംഭവം. കോഴിക്കോട് വിവിധ പരിപാടികളിൽ പങ്കെടുത്ത ശേഷം ഈരാറ്റുപേട്ടയിലെ വീട്ടിലേക്ക് മടങ്ങുകയായിരുന്നു ജോർജും മറ്റ് നേതാക്കളും. ടോൾ പ്ളാസയിലെത്തിയപ്പോൾ വാഹനം നിറുത്താൻ അധികൃതർ ആവശ്യപ്പെട്ടു. ടോൾ അടച്ച ശേഷം യാത്ര തുടരാമെന്ന് അധികൃതർ പറഞ്ഞു. എന്നാൽ, ഇതിൽ ക്ഷുഭിതനായ ജോർജ് കാറിൽ നിന്ന് ഇറങ്ങിവന്ന് പ്ളാസയിലെ ടോൾ ബാരിയർ വലിച്ച് ഒടിച്ചു. ടോൾ ബൂത്തിലുണ്ടായിരുന്ന അന്യസംസ്ഥാന തൊഴിലാളികളോട് ജോർജും കൂട്ടരും ആക്രോശിക്കുകയും ചെയ്തു. പിന്നാലെ ജോർജും സംഘവും കാറിൽ കയറിയിപ്പോകുകയായിരുന്നു.
Tags: pc george
Top