കൊച്ചി :താൻ ബിജെപിയാണെന്ന് പരസ്യമായി പ്രഖ്യാപിച്ച് കോൺഗ്രസ് നേതാവ് രാജ്മോഹൻ ഉണ്ണിത്താന്റെ മകൻ അമൽ ഉണ്ണിത്താന്‍ ഫെയ്സ്ബുക്കില്‍. തന്റെ ഫേസ്ബുക്ക് പോസ്റ്റില്‍ കമന്റ് ചെയ്ത മുസ്‌ലിം പേരുള്ളവരെ ജിഹാദികളെന്ന് ആക്ഷേപിച്ചും രാജ്‌മോഹന്‍ ഉണ്ണിത്താന്റെ മകന്‍ അമല്‍ ഉണ്ണിത്താന്‍. ‘എന്റെ വോട്ട് ബി.ജെ.പിക്ക്, അഛന്റെ വോട്ട് കോണ്‍ഗ്രസിന്’ എന്ന് ബി.ജെ.പിയുടെ പതാകയുടെ ചിത്രസഹിതമുള്ള ഫേസ്ബുക്ക് പോസ്റ്റിന് കീഴിലാണ് കമന്റ് ചെയ്ത മുസ്‌ലിം നാമധാരികളെ മൊത്തം ജിഹാദികളാക്കി അമലിന്റെ കമന്റുകള്‍. തന്റെ അച്ഛന്‍ അഴിമതിക്കാരുടെ അടിമയാണെന്നും കമന്റില്‍ അമല്‍ ആരോപിക്കുകയുണ്ടായി.
പോസ്റ്റിനെ തുടര്‍ന്ന് വിമര്‍ശനങ്ങളുമായി നിരവധി കോണ്‍ഗ്രസുകാരാണ് അമലിന്റെ പോസ്റ്റില്‍ കമന്റ് ചെയ്തത്. എന്നാല്‍ അവരെ രൂക്ഷഭാഷയില്‍ തെറി വിളിക്കുകയും മുസ്‌ലിം പേരുള്ളവരെ ജിഹാദികളെന്ന് വിളിക്കുകയുമാണ് അമല്‍ ചെയ്തത്. അതിനിടെ രാജ്‌മോഹന്‍ ഉണ്ണിത്താനെക്കുറിച്ച് പറഞ്ഞ ഒരാളോട് തന്റെ അച്ഛന്‍ അഴിമതിക്കാരുടെ അടിമയാണെന്നും അമല്‍ മറുപടി പറഞ്ഞു.
കർണാടക തിരഞ്ഞെടുപ്പിൽ കോൺഗ്രസിന്റെ തോൽവിയെ പരിഹസിച്ചും സ്വന്തം രാഷ്ട്രീയ താൽപര്യം വ്യക്തമാക്കിയും അമൽ രംഗത്ത് എത്തിയപ്പോള്‍ ഒരുകൂട്ടര്‍ കയ്യടിച്ചു, മറുകൂട്ടര്‍ രോഷത്തോടെ രംഗത്തെത്തുകയും ചെയ്തു.
അമൽ രാഹുൽ ഗാന്ധി വിഷണ്ണനായി ഇരിക്കുന്ന ഒരു ചിത്രമാണ് ആദ്യം പോസ്റ്റ് ചെയ്തത്. ഒപ്പം ഒരു പരിഹാസവരിയും പോസ്റ്റ് ചെയ്തു. എന്നാൽ അധികം വൈകാതെ അത് പിൻവലിച്ചു. അതിനുശേഷം അച്ഛന്റെ വോട്ട് കോൺഗ്രസിന്, എന്റെ വോട്ട് ബിജെപിക്ക് എന്ന് നിലപാട് വ്യക്തമാക്കി തന്നെ കുറിപ്പിട്ടു. അച്ഛന്റെ പാത പിന്തുടർന്ന് മക്കൾ രാഷ്ട്രീയത്തിലേക്ക് വരുന്നത് പുതുമയല്ലെങ്കിലും സമൂഹമാധ്യമത്തിലെ ഈ തുറന്നുപറച്ചില്‍ ഏതായാലും ‘ഹിറ്റാ’യി.
ബ്രൊ, എന്റെ അച്ഛന്‍ 48 വര്‍ഷം കോണ്‍ഗ്രസിന് വേണ്ടി പ്രവര്‍ത്തിച്ചിട്ടുണ്ട്. അദ്ദേഹം അഴിമതിക്കാരായ രാഷ്ട്രീയക്കാരുടെ അടിമയാണ്. ഇപ്പോ പ്രതികരിക്കാനുള്ള സമയമാണ്.’ – അമല്‍ കുറിച്ചു.
Top