തമിഴ് നടന്‍ അജിത്തുമായിട്ടുള്ള വിവാഹത്തോടെ സിനിമയില്‍ നിന്നും പൂര്‍ണമായും മാറി നില്‍ക്കുകയാണ് ശാലിനിയിപ്പോള്‍. ലളിതമായ ജീവിതം നയിക്കുന്ന താരദമ്പതികളാണ് അജിത്തും ശാലിനിയും. സാധാരണക്കാരില്‍ സാധാരണക്കാരിയ ഇരിക്കാനാണ് ഇരുവരും ശ്രദ്ധിക്കാറുള്ളത്.ശാലിനിയെ കുറിച്ചോ കുടുംബത്തിലെ വിശേഷങ്ങളോ അടക്കം എല്ലാ കാര്യങ്ങളും വാര്‍ത്തകളായി സോഷ്യല്‍ മീഡിയ വഴി പ്രചരിക്കാറുണ്ട്. അത്തരത്തില്‍ ഇപ്പോഴിതാ വീണ്ടുമൊരു കാര്യം വൈറലായി കൊണ്ടിരിക്കുകയാണ്. സ്മാര്‍ട്ട് ഫോണിന്റെ ഉലകമായി മാറിയിട്ടും ഇതുവരെ ശാലിനി ഫോണ്‍ മാറ്റിയിട്ടില്ലെന്നാണ് ആരാധകരുടെ കണ്ടുപിടുത്തം. സാധാരണ ഉപയോഗിക്കുന്ന നോക്കിയയുടെ 3310 മോഡല്‍ ഫോണായിരുന്നു ശാലിനിയുടെ കൈയിലുണ്ടായിരുന്നത്. ശാലിനിയും മകനും ഒരു ആരാധകനൊപ്പം നില്‍ക്കുന്ന ചിത്രം പുറത്ത് വന്നതോടെയാണ് അജിത്തിനെ പോലെ ശാലിനിയും ഇത്രയും സിംപിളാണോ എന്ന് ആരാധകര്‍ തിരിച്ചറിഞ്ഞത്. അജിത്തും സ്മാര്‍ട്ട് ഫോണ്‍ ഉപയോഗിക്കാറില്ലെന്നുള്ളത് നേരത്തെ വാര്‍ത്തകളില്‍ വന്നിരുന്നു.
Top