ഷുഹൈബ് വധത്തില്‍ സിബിഐ ഉടനില്ല; പൊലീസ് അന്വേഷണം തുടരാമെന്ന് സുപ്രീംകോടതി

രാഷ്ട്രീയകൊലപാതകം നടത്തുന്നവർ വിഡ്ഢികളാണെന്നും കോടതി നിരീക്ഷിച്ചു. കേസിലെ തെളിവ് നശിപ്പിക്കപ്പെടും മുൻപ് സ്വതന്ത്രമായ അന്വേഷണത്തിന് സിബിഐക്ക് കൈമാറണമെന്നാണ് ശുഹൈബിന്‍റെ മാതാപിതാക്കൾ ഹർജിയിൽ ആവശ്യപ്പെട്ടിരുന്നത്. മുതിർന്ന കോൺഗ്രസ് നേതാവും അഭിഭാഷകനുമായ കപിൽ സിബലാണ് കുടുംബത്തിനു വേണ്ടി ഹാജരായത്.
ശുഹൈബ് വധക്കേസിൽ ആദ്യം ഹൈക്കോടതി സിംഗിൾ ബെഞ്ച് സിബിഐ അന്വേഷണത്തിന് ഉത്തരവിട്ടിരുന്നു. എന്നാൽ സിംഗിൾ ബെഞ്ചിന്‍റെ ഉത്തരവിനെതിരേ സർക്കാർ നൽകിയ അപ്പീൽ ഹർജിയിൽ സിബിഐ അന്വേഷണത്തിന് സ്റ്റേ നൽകുകയായിരുന്നു.