വിമാനയാത്രക്കാരെ ആകര്‍ഷിക്കാന്‍ പുതിയ ഓഫറുമായി സ്പൈസ് ജെറ്റെത്തി. 444 രൂപയ്ക്ക് വിമാനയാത്ര ഓഫര്‍ ചെയ്താണ് സ്പൈസ് ജെറ്റ് എത്തിയിരിക്കുന്നത്. ഇതില്‍ നിങ്ങള്‍ക്കിഷ്ടപ്പെട്ട അഞ്ച് സ്ഥലങ്ങളാണ് ഉള്‍പ്പെട്ടിരിക്കുന്നത്. തെരഞ്ഞെടുക്കപ്പെട്ട അഞ്ച് റൂട്ടുകളിലേക്കാണ് സ്പൈസ് ജെറ്റ് ഓഫര്‍ വാഗ്ദാനം ചെയ്തിരിക്കുന്നത്.
ഇന്ന് മുതല്‍ ഞായറാഴ്ച വരെ നടക്കുന്ന സെയില്‍ ഓഫറിലൂടെ താല്‍പര്യമുള്ളവര്‍ക്ക് ടിക്കറ്റ് ബുക്ക് ചെയ്യാം. ജൂലൈ ഒന്നു മുതല്‍ 30 വരെയാണ് ടിക്കറ്റിന്റെ കാലാവധി.
മുംബൈ-ഗോവ, ഡല്‍ഹി-ഡെറാഡൂണ്‍, ജമ്മു-ശ്രീനഗര്‍, ഡല്‍ഹി-അമൃത്സര്‍, അഹമ്മദാബാദ്-മുംബൈ തുടങ്ങിയ റൂട്ടുകളിലേക്കാണ് ഓഫര്‍ വാഗ്ദാനമുള്ളത്. 444 രൂപ അടിസ്ഥാന നിരക്കാണെന്നും യാത്രാ ദൂരവും വിമാനത്തിന്റെ ഷെഡ്യൂളും സമയവും അനുസരിച്ച് നിരക്കില്‍ ചില നേരിയ മാറ്റങ്ങളുണ്ടാകുമെന്നും കമ്പനി വൃത്തങ്ങള്‍ അറിയിച്ചു.
Top