വടകരയില്‍ ലീഡുയര്‍ത്തി മുരളീധരന്‍; കടത്തനാട്ടില്‍ ചിത്രത്തിലേ ഇല്ലാതെ ബി.ജെ.പി

വടകര: ഇരുപത് ശതമാനത്തോളം വോട്ടുകള്‍ എണ്ണിക്കഴിഞ്ഞപ്പോള്‍ യൂ ഡി എഫ് സ്ഥാനാര്‍ത്ഥി കെ.മുരളീധരന്‍ വ്യക്തമായ ലീഡുമായി മുന്നേറുകയാണ്. ഇടതുപക്ഷം പ്രതീക്ഷിച്ച ലീഡ് തലശ്ശേരിയിലും കൂത്തുപറമ്പിലും പി.ജയരാജന് നേടാനായില്ല. രണ്ടര ലക്ഷത്തിനടുത്ത് വോട്ടെണ്ണി കഴിഞ്ഞപ്പോള്‍ ബി.ജെ.പി ചിത്രത്തിലേ ഇല്ലാത്ത സ്ഥിതിയാണ്. ബി.ജെ.പി വോട്ടുകള്‍ കൂട്ടത്തോടെ മറിഞ്ഞെന്നാണ് വിലയിരുത്തല്‍.

ആകെ 21ശതമാനം വോട്ടെണ്ണി കഴിഞ്ഞപ്പോള്‍ വടകരയില്‍ 11 646 വോട്ടിന്റെ മുന്‍തൂക്കമാണ് കെ മുരളീധരനുള്ളത്. ഇദ്ദേഹത്തിന് 111000 വോട്ടും പി ജയരാജന് 94000 വോട്ടും ലഭിച്ചിട്ടുണ്ട്. ബിജെപി സ്ഥാനാര്‍ത്ഥി ബഹുദൂരം പിന്നിലാണ്. ആകെ 14301 വോട്ടാണ് ബിജെപിയുടെ ഇതുവരെയുള്ള നേട്ടം.