പ്രവാസലോകത്തും കുടുംബബന്ധം ഊഷ്മളമാക്കാൻ ഞാവള്ളിക്കാർ ,യുകെയിലെ രണ്ടാമത്തെ കുടുംബയോഗം ഫെബ്രുവരി 10 ന്

ബെന്നി തെരുവംകുന്നേൽ

ലണ്ടൻ :സംസ്കാര രൂപീകരണത്തില്‍ അടിസ്ഥാന പ്രാധാന്യമുള്ള തുടക്കമാണ് കുടുംബം. ഒരു കുടുംബത്തിനകത്തെ ശിക്ഷണ ശീലങ്ങള്‍. കുടുംബാംഗങ്ങള്‍ തമ്മിലുള്ള ബന്ധം, വീട്, കുടുംബാംഗങ്ങള്‍ തമ്മിലുള്ള പരസ്പര ബന്ധങ്ങളും ഉത്തരവാദിത്തങ്ങളും, രക്തബന്ധത്തില്‍ ഉള്‍പ്പെടുന്ന ഇതര കുടുംബങ്ങളുമായുള്ള ബന്ധം ഇവയെല്ലാം ജീവിതനവീകരണത്തിനും നല്ല തലമുറയെ വാർത്തെടുക്കുന്നതിനുമുള്ള അടിത്തറയാണ് .രക്തബന്ധം നിലനിര്‍ത്താന്‍ സഹായകമാവുന്നത്ര കുടുംബ പരമ്പര മനസ്സിലാക്കിവയ്ക്കണം. എന്തുകൊണ്ടെന്നാല്‍ രക്തബന്ധം നിലനിര്‍ത്തല്‍ ഉറ്റവര്‍ക്കിടയില്‍ സ്നേഹത്തിനും ഐശ്വര്യവര്‍ധനവിനും ദീര്‍ഘകാലം അനുസ്മരിക്കപ്പെടാനും സഹായകമാണ്.ദരിദ്രന് ദാനം ചെയ്യുമ്പോള്‍ അതൊരു ദാനമാണ്. എന്നാല്‍ രക്തബന്ധമുള്ള ആര്‍ക്കെങ്കിലുമാണ് അത് നല്‍കുന്നതെങ്കിലോ, അത് ദാനവും കുടുംബബന്ധം പുലര്‍ത്തലുംരണ്ടും കൂടിയായിരിക്കും.കുടുംബബന്ധത്തിന്റെ പവിത്രയും ഊഷ്മളതയും ഊട്ടിവളർത്താൻ പ്രവാസലോകത്തെ ഞാവള്ളി കുടുംബ കൂട്ടായ്മയും രംഗത്താണ് .ചിതറിക്കിടന്നവരെ ഒന്നിച്ച് ഒരു കുടക്കീഴിലാക്കിയ യുകെയിലെ ഞാവള്ളിക്കാരുടെ രണ്ടാമത്തെ കുടുംബ കൂട്ടായ്മ ഈ വര്ഷം അതി വിപുലമായി നടത്തപ്പെടുന്നു .ഈ വർഷം ഫെബ്രുവരി 10ന് എൻസ്ബെറി പാർക്കിലെ സെയിന്റ് ബെർണാഡിറ്റെ ചർച്ചിൽ വെച്ചാണ് നടത്തപ്പെടുന്നത് . ഫെബ്രുവരി പത്തിന് രാവിലെ ൯ മണിമുതൽ വൈകുന്നേരം ൫ മണിവരെ വിപുലമായ പാറിപ്പടികളോടെയാണ് കുടുംബയോഗം നടക്കുന്നത് .family3

കുടുംബ ബന്ധങ്ങള്‍ കണ്ണിയറ്റു പോകുന്ന കാലത്ത് ബന്ധങ്ങളുടെ ഹൃദ്യത നിലനിര്‍ത്തുക എന്നത് വിഷമകരം ആകുന്ന കാലഘട്ടത്തിലൂടെയാണ് മനുഷ്യന്‍ കടന്നുപോകുന്നത്.കുടുംബ ബന്ധങ്ങളുടെ പ്രാധാന്യം തിരിച്ചറിയയാനും ബന്ധങ്ങള്‍ ഊട്ടിഉറപ്പിക്കാനും കുടുംബങ്ങളുടെ കൂടിച്ചേരള്‍ അനിവാര്യമാണ്.കുടുംബങ്ങളുടെ കൂട്ടായ്മ സമൂഹനന്മയ്ക്ക് അനിവാര്യമാണെന്ന തിരിച്ചറിവിലാണ് പ്രവാസലോകത്ത് യു.കെയിലെ ഞാവള്ളി കുടുംബ കൂട്ടായ്മ സംഘടിപ്പിക്കുന്നത് . ഞാവള്ളി കലാ കുടുംബത്തിന്റെ തായ് വഴി കുടുംബങ്ങളില്‍ നിന്നും യുകെയില്‍ എത്തിയിട്ടുള്ള 30 കുടുംബങ്ങളാണ് പ്രഥമ സമ്മേളനത്തില്‍ എത്തിച്ചേർന്നിരുന്നത് .2017 ജൂണ്‍ 10ന് വോള്‍വര്‍ഹാംപ്റ്റണില്‍ വച്ചാണ് ആദ്യ സംഗമം നടന്നിരുന്നത് .ആദ്യ കുടുംബകൂട്ടായ്മക്ക് മുഖ്യ അതിഥിയായി എത്തിയിരുന്നത് യുകെയിലെ സീറോ മലബാര്‍ പ്രഥമ ബിഷപ്പ് മാര്‍ ജോസഫ് സ്രാമ്പിക്കല്‍ ആയിരുന്നു . കുടുംബാംഗങ്ങള്‍ തമ്മില്‍ പരസ്പരം അറിയുന്നതിനും കൂടുതല്‍ പരിചയപ്പെടുന്നതിനുമായി ഒരുക്കിയിരിക്കുന്ന പ്രഥമ സമ്മേളനത്തിന്റെ വിജയത്തിനായി വിവിധ കമ്മിറ്റികള്‍ പ്രവര്‍ത്തിച്ചു വരുന്നു.1996 ല്‍ പാലായില്‍ സ്ഥാപിതമായ ഞാവള്ളി കുടുംബ കൂട്ടായ്മ എല്ലാ വര്‍ഷവും വ്യത്യസ്തങ്ങളായ പരിപാടികളിലൂടെ ഏറെ ശ്രദ്ധിക്കപ്പെടുന്നു.കുടുംബ ബന്ധങ്ങളുടെ തിരിച്ചറിവില്‍ നിന്ന് യുവതലമുറ കമ്പ്യൂട്ടറിന്റെയും ഇന്റര്‍നെറ്റിന്റെയും പുറകെ തിരിഞ്ഞിരിക്കുന്നത് വര്‍ദ്ധിച്ചുവരുകയാണ്.happy_family

നല്ല ഭാര്യാഭര്‍ത്താക്കന്മാര്‍, നല്ല സന്താനങ്ങള്‍, ഉത്തരവാദിത്വബോധമുള്ള മാതാപിതാക്കള്‍, മാ താപിതാക്കളെ സേവിക്കുകയും ശുശ്രൂഷിക്കുകയും ചെയ്യുന്ന മക്കള്‍, പരസ്പരം സ്നേഹിക്കുന്ന സഹോദരങ്ങള്‍ ഇങ്ങനെയുള്ള കുടുംബാന്തരീക്ഷമാണ് പുത്തൻ തലമുറക്ക് ആവശ്യം . വീട് കുടുംബത്തിന് അഭയവും സാന്ത്വനവുമാണ്. ഒരു കുടുംബത്തിൽ മുഴുവന്‍ അംഗങ്ങള്‍ സുരക്ഷിതരും സന്തോഷമുള്ളവരുമായിരിക്കണം എന്നതാണ് പ്രധാനം .അതിനു പരസ്പരബന്ധവും സ്നേഹവും വേണം പ്രായമുള്ളവരും അനാഥരും ദുര്‍ബലരും അവിടെ അധികപ്പറ്റായി കണക്കാക്കപ്പെടുകയില്ല.അങ്ങനെയുള്ളവർ ബന്ധുക്കളിലും സഹാബന്ധുക്കളിലിൽ അവരുടെ ഐക്യത്തിലും സന്തോഷം കണ്ടെത്തും .ഭാര്യയും മക്കളുമടങ്ങുന്ന അണുകുടുംബ സങ്കല്‍പം സാര്‍വത്രികമായതോടെ പൂര്‍വികര്‍ കൃഷ്ണമണി പോലെ കാത്തുസൂക്ഷിച്ചിരുന്ന ബന്ധങ്ങള്‍ക്ക് മങ്ങലേറ്റു. മൊബൈല്‍ ഫോണും ഫേസ്ബുക്കും വാട്‌സ്ആപ്പും ഇന്റര്‍നെറ്റും പ്രചുരപ്രചാരം നേടിയതോടെ ബന്ധുവീടുകളിലേക്കും അയല്‍ക്കാരിലേക്കുമുള്ള സന്ദര്‍ശനം നിലച്ചു. വിവാഹം പോലുള്ള ചടങ്ങുകള്‍ പോലും വീടിന്റെ പടികടന്ന് കല്യാണമണ്ഡപങ്ങളിലേക്ക് ചേക്കേറിയതോടെ കുടുംബസന്ദര്‍ശനമെന്ന മഹത്തായ നന്മ മരണവേളകളില്‍ മാത്രം ഒതുങ്ങി.

പ്രവാസലോകത്തും പരസ്പരം മനസ്സിലാക്കുവാനും ബഹുമാനം പ്രകടിപ്പിക്കുവാനും സ്‌നേഹം പങ്കുവെയ്ക്കുവാനും കുടുംബംയോഗ പ്രവര്‍ത്തനങ്ങളിലൂടെ കഴിയുന്നത് നിസ്സാരമായി കാണാന്‍ കഴിയുകയില്ല.ന്യുക്ളിയര്‍ കുടുംബത്തിലേക്ക് ഒതുങ്ങിയ യൂറോപ്യന്‍ ജീവിതത്തില്‍ കുടുംബബന്ധങ്ങള്‍ കോര്‍ത്തിണക്കാനുള്ള ശ്രമത്തിനു ഞാവള്ളി കുടുംബ സംഗമത്തിലൂടെ .ഞാവള്ളി കുടുംബത്തില്‍ പെട്ടവര്‍ ഇതൊരു അറിയിപ്പായി കരുതി കൂട്ടായ്മയിലേക്ക് എല്ലാവരും എത്തിച്ചെർണമെന്നു കുടുംബ കൂട്ടായ്മയുടെ പ്രസിഡന്റ് ബിജു ജയിംസും ഭാരവാഹികളും അറിയിച്ചു .

കൂടുതല്‍ വിവരങ്ങള്‍ക്ക്:

ബിജു ജെയിംസ്‌ (President ) :07969704924

സഖറിയാസ് ഞാവള്ളി: 07939539405
ബെന്നി തെരുവംകുന്നേല്‍ : 07398717843
മാത്യു അലക്സാണ്ടര്‍: 07904954471
സതീഷ് ഞാവള്ളി: 07538406263
Place: St. Bernerdette Church  Ensbury Park,
46 Draycott Road,
BH10 5AR.

 

Latest
Widgets Magazine