ഐഐടികളില്‍ എംഎസ്സി കോഴ്‌സുകള്‍ക്കും, ബംഗളുരു ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സില്‍ ഇന്റഗ്രേറ്റഡ് പിഎച്ച്ഡി കോഴ്‌സിനുമുള്ള പ്രവേശന പരീക്ഷയായ, ജോയിന്റ് അഡ്മിഷന്‍ ടെസ്റ്റി (ജാം 2016)ന് സെപ്തംബര്‍ രണ്ടുമുതല്‍ അപേക്ഷിക്കാം. വിശദമായ വിജ്ഞാപനം http://jam.iitm.ac.in/jam2016 വെബ്‌സൈറ്റില്‍ പ്രസിദ്ധീകരിക്കും. 2016 ഫെബ്രുവരി ഏഴിനാണ് പ്രവേശനപരീക്ഷ.
യോഗ്യത: ബിഎസ്സിക്ക് മെയിനും സബ്‌സിഡിയറികളും ഭാഷയ്ക്കും ചേര്‍ന്ന് മൊത്തം കുറഞ്ഞത് 55 ശതമാനം മാര്‍ക്ക് വേണം. എസ്സി/എസ്ടിക്ക് 50 ശതമാനം മാര്‍ക്ക്. ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സില്‍ പരിഗണിക്കാന്‍ ഫസ്റ്റ്ക്ലാസ് മാര്‍ക്ക് വേണം. എസ്സി/എസ്ടിക്ക് 55 ശതമാനവും. ബയോളജിക്കല്‍ സയന്‍സ്, ബയോടെക്‌നോളജി, കെമിസ്ട്രി, കമ്പ്യൂട്ടര്‍ ആപ്ലിക്കേഷന്‍സ്, ജിയോളജി, ജിയോഫിസിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, മാത്തമാറ്റിക്‌സ്, ഫിസിക്‌സ് എന്നീ ഒമ്പതു പേപ്പറുകളില്‍ പരീക്ഷകളുണ്ട്. ഒരു വിദ്യാര്‍ഥിക്ക് ഒന്നോ/രണ്ടോ പേപ്പര്‍ പരീക്ഷകള്‍ക്ക് തെരഞ്ഞെടുക്കാം. ഓരോ ഐഐടിയിലെയും എംഎസ്സി കോഴ്‌സുകളും അവയ്ക്ക് ബാധകമായ ടെസ്റ്റ് പേപ്പറും വെബ്‌സൈറ്റിലെ വിശദമായ വിജ്ഞാപനത്തിലുണ്ട്. ഓണ്‍ലൈന്‍ അപേക്ഷ ഒക്ടോബര്‍ 14വരെ അപേക്ഷിക്കാം.
Top