സ്വന്തം ലേഖകൻ
റിയോഡി ജനീറോ: ലോകത്തിലെ ഏറ്റവും സുന്ദരിയായ പൊലീസുകാരിയാര് എന്ന ചോദ്യത്തിനു ഇനി ഒരേ ഒരു ഉത്തരം മാത്രം..! കുറ്റവാളികളുടെയും കുറ്റകൃത്യങ്ങളുടെയും തലസ്ഥാനമായ ബ്രസീലിൽ നിന്നാണ് ഈ സുന്ദരി പൊലീസുകാരി – ബ്രസീലിലെ റിയോഡി ജനീറോയിൽ നിന്നുമുള്ള ഹൈവേ പട്രോളിങ് പൊലീസുകാരി മേരി ആഗ് (30) ആണ് മോഡൽ പൊലീസുകാരിയായി പട്രോളിങ് സംഘത്തിനൊപ്പം തിളങ്ങുന്നത്.
പ്രതിവർഷം 60,000 ത്തിലധികം കൊലപാതകങ്ങൾ നടക്കുന്ന ബ്രസീലിലെ റിയോഡി ജനീറോയിലെ ഹൈവേയിലാണ് സുന്ദരിയായ ഈ മോഡൽ പൊലീസ് ഡ്യൂട്ടിയിൽ ഏർപ്പെടുന്നത്. ചെറുപ്പകാലം മുതൽ മേരിയുടെ ആഗ്രഹമായിരുന്നു പൊലീസിൽ ജോലി ചെയ്യുക എന്നത്. മോഡലിങ്ങിലിൽ തിളങ്ങിയപ്പോഴും പൊലീസിലെ ജോലി എന്ന ആഗ്രഹം ഇവർ വിട്ടു കളഞ്ഞില്ല.
ക്രിമിനലുകളും ഗുണ്ടകളും അടക്കിവാഴുന്ന തന്റെ സമുദായത്തെ ആ പിടിയിൽ നിന്നു രക്ഷിക്കുക എന്നതായിരുന്നു പൊലീസ് ജോലിയിലൂടെ താൻ ലക്ഷ്യമിട്ടിരുന്നതെന്നാണ് മേരി ആഗ് പറയുന്നത്.
രാജ്യത്ത് നടക്കുന്ന ആഭ്യന്തര യുദ്ധത്തിൽപെടുന്ന സാധാരണക്കാരായ ആളുകളെ രക്ഷിക്കലാണ് ഈ പൊലീസ് ജോലിയിലൂടെ തന്റെ ദൗത്യമെന്നു ഇവർ വ്യക്തമാക്കുന്നു. ബ്രസീലിലെ കുപ്രസിദ്ധമായ ഗ്യാങ്ങുകൾ വാഴുന്നത് ഇവിടുത്തെ ഹൈവേകളിലാണ്. മോഷണവും, കൊലപാതകവും, കലാപവും അടക്കമുള്ള അക്രമപ്രവർത്തനങ്ങൾ നടക്കുന്നത് രാജ്യത്തെ ഈ ഹൈവേകളിലാണ്.
60,000 ത്തോളം കൊലപാതകങ്ങൾ പ്രതിവർഷം നടക്കുന്ന ബ്രസീലിലെ റിയോഡി ജനീറോയ്ക്കു ലോകത്തിലെ ഏറ്റവും മോശപ്പെട്ട അൻപത് നഗരങ്ങളിൽ 21- ാം സ്ഥാനമാണ്. ഈ ജോലി എത്രത്തോളം അപകടകരമാണെന്നു വ്യക്തമാക്കുന്നതാണ് കഴിഞ്ഞ രണ്ടാഴ്ചയ്ക്കിടെ മേരിയ്ക്കും കൂട്ടാളികൾക്കും നേരെയുണ്ടായ ആക്രമണങ്ങൾ. മേരിയ്‌ക്കൊപ്പം പ്‌ട്രോളിങ്ങിനുണ്ടായിരുന്ന രണ്ടു പൊലീസ് ഓഫിസർമാർക്കു രണ്ടാഴ്ചയ്ക്കിടെ വെടിയേറ്റിരുന്നു. ഇത് എത്രത്തോളം ഭയാനകമാണ് ബ്രസീലിലെ അവസ്ഥ എന്ന് വ്യക്തമാക്കുന്നതാണ്.
Top