ശ്രീനഗര്‍: എട്ടു വയസ്സുകാരിയെ പീഡിപ്പിച്ചു കൊന്ന പൊലീസുകാരന്‍ അറസ്റ്റില്‍. ജമ്മു കശ്മീരിലെ കത്വവ ജില്ലയിലാണ് നാടോടി പെണ്‍കുട്ടിയെ ക്രൂര പീഡനത്തിനിരയാക്കി കൊലപ്പെടുത്തിയത്. ഹീരാനഗര്‍ സ്റ്റേഷനിലെ എസ്പിഒ ഖുജരിയ(28) ആണ് അറസ്റ്റിലായത്. പെണ്‍കുട്ടിയെ കാണാതായ കേസില്‍ പൊലീസ് നടത്തിയ തെരച്ചിലില്‍ സജീവമായി പങ്കെടുത്തയാളാണ് ഖുജരിയ. കാണാതായി ഒരാഴ്ചയ്ക്ക് ശേഷമാണ് പെണ്‍കുട്ടിയുടെ മൃതദേഹം പൊലീസ് കണ്ടെടുക്കുന്നത്. പെണ്‍കുട്ടി ക്രൂരപീഡനത്തിനിരയായിരുന്നു. ജനുവരി പത്താം തീയതി രസാന ഗ്രാമത്തില്‍ നിന്നാണ് പെണ്‍കുട്ടിയെ കാണാതായത്. ഒരാഴ്ചയ്ക്ക് ശേഷം കുട്ടിയെ മൃതദേഹം വികൃതമാക്കപ്പെട്ട നിലയില്‍ കണ്ടെത്തി. ഖുജരിയയും പ്രായപൂര്‍ത്തിയാവാത്ത കൗമാരക്കാരനും ചേര്‍ന്നാണ് പെണ്‍കുട്ടിയെ ക്രൂര ബലാത്സംഗത്തിനിരയാക്കിയത്.
Tags: rape
Top