കശാപ്പ് നിരോധനം വിശ്വാസത്തിന്റെ ഭാഗം കൂടിയാണ്; യോഗി ആദിത്യനാഥ്

ന്യുഡൽഹി:വിശ്വാസത്തിന്റെ ഭാഗമായതു കൊണ്ടാണ് കന്നുകാലി കശാപ്പ് നിരോധിച്ചതെന്ന് യു.പി മുഖ്യമന്ത്രി യോഗി ആദിത്യനാഥ്. നിയമം വഴി കന്നുകാലി കടത്തും കശാപ്പും നിരോധിക്കാന്‍ സാധിച്ചിട്ടുണ്ട്. അനധികൃത കശാപ്പുശാലകള്‍ നിര്‍ത്തലാക്കി. ഇത് ഭാവിയിലും തുടരുമെന്നും അദ്ദേഹം പറഞ്ഞു.

കന്നുകാലി കശാപ്പ് തടയുകയെന്നത് വിശ്വാസത്തിന്റെ ഭാഗം കൂടിയാണ്. ആരെയും വിശ്വാസത്തില്‍ തൊട്ടു കളിക്കാന്‍ അനുവദിക്കുകയില്ലെന്നും ആദിത്യനാഥ് കൂട്ടിച്ചേര്‍ത്തു. ലഖ്‌നോവില്‍ സംഘടിപ്പിച്ച പരിപാടി ഉദ്ഘാടനം ചെയ്തു സംസാരിക്കവെയാണ് അദ്ദേഹം ഇക്കാര്യം പറഞ്ഞത്.